Dziaržinśpiekcyja nazvała samyja prablemnyja ŭ płanie brakańjerstva vadajomy
Namieśnik načalnika Dziaržaŭnaj inśpiekcyi achovy žyviolnaha i raślinnaha śvietu pry prezidencie Biełarusi Alaksandr Duńkovič nazvaŭ na pres-kanfierencyi samyja prablemnyja ŭ płanie brakańjerstva vadajomy.
«Tradycyjna ŭ zachodniaj častcy Biełarusi prablemnym źjaŭlajecca voziera Sporaŭskaje. I sprava, napeŭna, nie ŭ najaŭnaści tam vialikich zapasaŭ ryby, a ŭ mientalitecie miascovych žycharoŭ. Heta ludzi, jakija akružany z usich bakoŭ bałotam i zaŭsiody byli haspadarami lasoŭ i rek. Ja sam tudy vyjazdžaŭ letaś padčas nierastu, dyk my niekalki dziasiatkaŭ sietak dastali navat biez łodki — dastatkova było nadzieć vysokija boty», — rastłumačyŭ namieśnik načalnika.
Prablemnymi ŭ hetym rehijonie taksama źjaŭlajucca voziera Biełaje i Čornaje.
«Kali iści dalej, to samym prablemnym vadajomam z-za vialikich zapasaŭ ryby, u tym liku i kaštoŭnych vidaŭ, možna nazvać Łukomskaje vadaschovišča. Tam ciopłaja vada, dobraja karmavaja baza i vydatnyja ŭmovy dla ŭznaŭleńnia ryby. Vadajom vialiki, kantralavać jaho składana, voś tudy i nakiroŭvajucca brakańjery z usioj krainy», — padkreśliŭ namieśnik načalnika Dziaržinśpiekcyi.
Alaksandr Duńkovič adznačyŭ, što chvalu brakańjerstva tam udałosia źbić, ale idealnaha paradku ŭsio roŭna niama. «Niadaŭna tam pamianiaŭsia arandatar, jaki, spadziajusia, naviadzie na vadajomie paradak», — kanstatavaŭ jon. Voziera ciapier aranduje TAA «TeraFiš».
Pry hetym namieśnik načalnika Dziaržinśpiekcyi adznačyŭ, što kolkaść i brakańjeraŭ, i parušeńniaŭ u Biełarusi źnižajecca. «My ŭžo bačym hetuju dynamiku. Mabyć, u suviazi z uzmacnieńniem žorstkaści patrabavańniaŭ, novymi normami ŭ zakanadaŭstvie, da śviadomaści ludziej usio ž taki dachodzić, jakuju škodu jany nanosiać. Akramia taho, raście pravaśviadomaść ludziej, asabliva moładzi», — kanstatavaŭ jon.
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary