U Bruseli zatrymany jašče adzin padazravany ŭ arhanizacyi sieryi vybuchaŭ u aŭtorak, paviedamlajuć bielhijskija ŚMI sa spasyłkaj na krynicy ŭ pravaachoŭnych orhanach.
Adnak, nasupierak raniejšym paviedamleńniam, heta nie treci asnoŭny padazravany Nadžy Łaašraŭi, jaki ŭciok z aeraporta paśla vybuchaŭ. Asoba zatrymanaha pakul nie ŭstanoŭlena.
Łašraŭi byŭ źniaty ŭ aeraporcie kamieraj vonkavaha nazirańnia, kali išoŭ z kalaskaj razam z dvuma śmiarotnikami, paźniej identyfikavanymi jak braty Chalid i Brachim Bakraŭi, niezadoŭha da taho, jak u zonie vyletu prahrymieli dva vybuchi.
Jak paviedamlaje bielhijski telekanał RTBF, raniej braty Bakraŭi ŭžo traplali ŭ pole zroku palicyi ŭ jakaści padazravanych pa inšych spravach, adnak pra ich suviazi z terarystami da ŭčorašniaha dnia ničoha viadoma nie było.
Pa dadzienych kanała, Chalid Bakraŭi pad vydumanym imiem źniaŭ kvateru ŭ bruselskim rajonie Fare, dzie na minułym tydni ŭ pierastrełcy z palicyjaj byŭ zabity ŭzbrojeny mužčyna.
Łaašraŭi užo byŭ abvieščany ŭ vyšuk pa spravie ab listapadaŭskich vybuchach u Paryžy, jakija zabrali žyćci 130 čałaviek.
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary