Pakupki ŭ rasijskich internet-mahazinach zaraz možna apłačvać praz ARIP
Pakupki ŭ rasijskich internet-mahazinach zaraz možna apłačvać praz Adzinuju raźlikovuju infarmacyjnuju prastoru (ARIP). Heta stała mahčymym dziakujučy padklučeńniu da ARIP «Jandeks.Kasy», paviedamiła pres-słužba servisu «Jandeks.Hrošy».
Apłatu takim čynam užo prymajuć bolš za tysiaču rasijskich internet-mahazinaŭ i anłajn-servisaŭ.
Techničnym partnioram «Jandeks.Kasy» pry padklučeńni da ARIP staŭ biełaruski «Alfa-Bank».
U «Alfa-Banku» rastłumačyli, što novaja technałohija budzie dastupnaja ŭsim žycharam (nie tolki klijentam banka) i zaklikanaja stymulavać cikavaść nasielnictva da apłaty tavaraŭ praz ARIP. Heta taksama dazvolić pavysić uzrovień finansavaj biaśpieki pakupnikoŭ: źviestki kart-rachunku zaraz nie treba ŭvodzić na sajcie internet-mahazina.
Raniej praz «Jandeks.Kasu» karystalniki ź Biełarusi mahli płacić za anłajn-pakupki ŭ Rasii tolki z bankaŭskich kart i elektronnych kašalkoŭ. Zaraz jany zmohuć vybrać najbolš zručny sposab apłaty — z kart, kašalkoŭ, praź internet-bankinh ci najaŭnymi hrašyma ŭ najbližejšych punktach bankaŭskaha absłuhoŭvańnia. Siońnia ARIP abjadnoŭvaje 24 biełaruskija banki, u jakich možna płacić praź internet-bankinh, a taksama bolš za 14 tys. punktaŭ pryjomu najaŭnych hrošaj: kasy, bankamaty, infakijoski i terminały.
Vialikaja hutarka z Alinaj Koŭšyk — pra intervju z Padsasonnym, skandał z Kulejem i reformy na «Biełsacie»15
Kamientary