Biełaruskija vierniki ŭ Ńju-Jorku padrychtavali videarolik ab carkvie Śviatoha Kiryły Turaŭskaha, što raźmiaščajecca na 401 Atlantic av., u Bruklinie.
Parafija Śviatoha Kiryły Turaŭskaha ŭ Ńju-Jorku była arhanizavana ŭ 1950 h. novaj chvalaj biełaruskaj emihracyi.
Napačatku słužby prachodzili ŭ rajonie East New York u Bruklinie. Praz hod słužby pačali adpraŭlacca ŭ carkvie Śviatoj Trojcy Karpataruskaj pravasłaŭnaj carkvy na 4-j vulicy ŭ Manchetanie. Zatym pačaŭsia zbor srodkaŭ na ŭłasny budynak, jaki 15 kastryčnika 1957 h. byŭ vykupleny ŭ Preśvitaryjanskaj carkvy. Zatym byŭ zrobleny ramont. Ruchavikami stvareńnia carkvy byli siemji Danilukoŭ, Tulejkaŭ, Haroškaŭ, Kažanoŭ, Zacharkievičaŭ, Mieljanovičaŭ…
Pieršaja słužba adbyłasia 3 listapada 1957 h., patronam byŭ abrany Kiryła Turaŭski. Pieršym nastajacielem byŭ były słucki paŭstaniec, ajciec Chviedar Daniluk. Pry im parafija zaznała roskvit. Jana stała centram relihijnaha žyćcia, tut dziejničała carkoŭnaja škołka, ładzilisia hramadskija sustrečy.
I ciapier carkvy vykarystoŭvajecca taksama, jak i zała dla hramadskich mierapryjemstvaŭ.
Kamientary