Namieśnik ministra zamiežnych spraŭ Biełarusi Alena Kupčyna 3 listapada sustrełasia z Nadzvyčajnym i Paŭnamocnym pasłom Šviecyi ŭ Biełarusi Marcinam Obierham, paviedamili ŭ pres-słužbie MZS.
Sustreča adbyłasia pa inicyjatyvie biełaruskaha boku. Pa daručeńni Łukašenki šviedskamu dypłamatu pieradadzieny zbor tvoraŭ biełaruskaj piśmieńnicy, łaŭreata Nobieleŭskaj premii pa litaratury 2015 hoda Śviatłany Aleksijevič.
Baki razhledzieli aktualnyja pytańni raźvićcia biełaruska-šviedskich adnosin, a taksama dyjałohu pa linii Biełaruś-Jeŭrasajuz. Adbyŭsia abmien dumkami pa pytańniach aktyvizacyi dvuchbakovaha supracoŭnictva ŭ palityčnaj, handlova-ekanamičnaj i kulturnaj śfierach.
Nahadajem, rasparadžeńnie padaryć knihi Aleksijevič šviedskamu pasłu Łukašenka daŭ 23 kastryčnika, kali ŭ čas cyrymonii pasadki ŭ staličnym Łošyckim parku dreva śvietu ŭ honar 70-hodździa zasnavańnia AAN jon niefarmalna pahutaryŭ ź jeŭrapiejskimi dypłamatami.
U pryvatnaści, pasoł Šviecyi pavinšavaŭ Łukašenku z atrymańniem Biełaruśsiu Nobieleŭskaj premii pa litaratury. Kiraŭnik dziaržavy ŭ adkaz skazaŭ: «Vy choć strapianuli našu hramadskaść. Jany pačynajuć dumać: hetaja Nobieleŭskaja premija, a što heta takoje, jak tam Łukašenki da hetaha pastavicca? Kažuć, jana apazicyjanierka niejkaja, a ja i nie čuŭ pra heta. Tamu vy nie słuchajcie. Apazicyjanierka, nie apazicyjanierka… U jaje jość svajo mierkavańnie, jano było i ŭ savieckija časy. Heta mierkavańnie kožny čałaviek maje prava mieć pry sabie i jaho vykazvać. Ale jana na barykady nikoha nie klikała».
Kali pasoł Šviecyi zaŭvažyŭ, što jon pračytaŭ jašče nie ŭsie knihi Aleksijevič, Łukašenka skazaŭ: «Ich nie tak šmat. Ja vam mahu padaryć hetyja piać knih, vy ž na ruskaj dobra čytajecie? Uładzimir Uładzimiravič (da Makieja), ad majho imia padary pasłu apošniaje vydańnie «.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana10
Kamientary