Bloomberg skłaŭ rejtynh papularnaści mesendžaraŭ — prahram dla abmienu paviedamleńniami dla kampjutaraŭ i smartfonaŭ. U piaciorcy lidaraŭ dva «kitajcy», dva amierykanskija servisy i adzin — ź biełaruskimi karaniami.

Samy papularny mesendžar śvietu — kitajski QQ z 843 młn karystalnikaŭ štomiesiac. Śledam za im WhatsApp z 800 młn i Facebook Messenger z 700 młn. Apošnija dva naležać Facebook. Inc, čyjoj sacsietkaj karystajucca 1,5 młrd čałaviek. Na čaćviortym miescy kitajski WeChat z 600 młn karystalnikaŭ.

Što dziŭna, u rejtynh Bloomberg nie trapiŭ Skype — papularny mesendžar, jakim vałodaje kampanija Microsoft. Pryčyny hetaha nie nazyvajucca (być moža, Bloomberg paličyŭ jaho nie prystasavanym dla smartfonaŭ, dzie mesendžar dahetul pracuje ź pierabojami?). Tym nie mieniej, Skype maje kala 300 młn karystalnikaŭ, aktyŭnych štomiesiac.

Adsutnaść u rejtynhu Skype pastaviła biełaruska-izrailski Viber na piataje miesca z 249 młn karystalnikaŭ, aktyŭnych štomiesiac. Na studzień takich było 236 młn, a jašče ŭ pačatku 2014 hoda — trochi mienš za 100 młn, kali japonski telekam-hihant Raketen nabyŭ mesendžar za 900 młn dalaraŭ.

QQ i WeChat naležać adnoj kampanii — Tecent. Jany nadzvyčaj papularnyja ŭ Kitai — Facebook i WhatsApp tam zabłakavanyja. WeChat pakazaŭ šalony rost — za apošni kvartał, z krasavika pa lipień jon vyras na 37% karystalnikaŭ.

***

Viber byŭ zapuščany ŭ kancy 2010 hoda. Na siońnia jon dastupny dla nastolnych kampjutaraŭ z Windows, Linux i MacOS, smartfonaŭ na Android, iOS, Windows Phone i inšych apieracyjnych sistemach. Prahrama dazvalaje biaspłatna abmieńvacca paviedamleńniami, rabić aŭdyjo- i videavykliki, za peŭnuju płatu telefanavać praź internet na mabilnyja i chatnija telefony pa ŭsim śviecie. Hałoŭny ofis Viber mieścicca na Kipry, centry raspracoŭki jość u Minsku i Breście, a taksama ŭ Izraili. Kampanija ŭvachodzić u Park vysokich technałohij.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?