Kitajskija navukoŭcy abviaścili ab stvareńni zbroi z «Zornych vojnaŭ»
Novaja technałohija «ŭltradakładnaj časovaj sinchranizacyi» dazvalaje stvarać impulsy mikrachvalevaha vypramieńvańnia, jakija vyvodziać z ładu spadarožniki i navihacyjnyja sistemy.
Jak piša South China Morning Post, kitajskija navukoŭcy zajavili ab stvareńni kanvierhientnaj enierhietyčnaj pramianiovaj zbroi. Kancepcyja nahadvaje Zorku Śmierci z «Zornych vojnaŭ»: dla razbureńnia płaniety vielizarnaja kaśmičnaja stancyja pavinna była abjadnać vosiem łaziernych pramianioŭ u adzin.
Adnak u realnaści dasiahnuć takoj dakładnaści składana, bo elektramahnitnyja chvali, jakija iduć z roznych płatformaŭ, pavinny prybyć u adzin punkt adnačasova i ŭ patrebnaj formie dla efiektyŭnaha abjadnańnia enierhii.
Pa raźlikach navukoŭcaŭ, kab stvaryć taki pramień, elektramahnitnyja impulsy pavinny dasiahać adnaho punkta z dakładnaściu da 170 tryljonnych častak siekundy. Heta patrabuje najvyšejšaj sinchranizacyi, jakaja pieraŭzychodzić dakładnaść atamnaha hadzińnika.
Kitajskija daśledčyki śćviardžajuć, što zdoleli dasiahnuć patrebnaha ŭzroŭniu, vykarystoŭvajučy praryŭnyja technałohii «ŭltradakładnaj časovaj sinchranizacyi» i złučyŭšy siem ustanovak z dapamohaj aptavałakonnych złučeńniaŭ. Vyprabavańni sistemy adbylisia letaś u zachodnim Kitai, dzie navukoŭcy zmahli sinchranizavać čas z dakładnaściu da 10 tryljonnych častak siekundy na adlehłaści 1800 kiłamietraŭ.
Dla dakładnaha naviadzieńnia na cel va ŭstanoŭcy vykarystoŭvajucca łaziernyja pryłady, jakija zabiaśpiečvajuć navihacyju z dakładnaściu da milimietra. Śpiecyjalny kamandny centr analizuje dadzienyja ab časie i miescy znachodžańnia celi, paśla čaho pasyłaje kamandu na adnačasovaje ŭklučeńnie ŭsich siami ŭstanovak.
Navukoŭcy adznačajuć, što abjadnanaja mahutnaść impulsaŭ dasiahaje efiektu «1+1>2», što robić hetuju zbroju bolš mahutnaj, čym standartnyja mikrachvalevyja sistemy.
Choć mahutnaść novaj kitajskaj mikrachvalevaj zbroi nieparaŭnalnaja z razburalnaj siłaj Zorki Śmierci, ekśpierymienty paćvierdzili, što pryłada moža efiektyŭna padaŭlać GPS-sihnały spadarožnikaŭ i vyrašać vajskovyja zadačy.
Skončyła žyćcio samahubstvam Śviatłana Krucikava ź Pinska, jakuju nieadnarazova sudzili za «ekstremizm»9
Kamientary