Pra svaju hatoŭnaść dać pakazańni Kadyraŭ zajaviŭ u efiry radyjostancyi «Hovorit Moskva».
Pry hetym Kadyraŭ adznačyŭ, što jamu cikava daviedacca, jakija mienavita paŭstali pytańni da jaho ŭ advakataŭ, jakija pradstaŭlajuć intaresy dziaciej Barysa Niamcova.
Pytańni da čečenskaha lidara pavinna ŭsio ž taki farmulavać śledstva, — skazaŭ «Echu Moskvy» advakat Vadzim Procharaŭ i dadaŭ, što advakaty hatovyja dapamahčy hetyja pytańni sfarmulavać.
Procharaŭ dadaŭ, što, vierahodna, Ramzan Kadyraŭ zrazumieŭ, što situacyja źmianiłasia paśla jaho hučnaha «dazvołu čačenskim siłavikam adkryvać ahoń na paražeńnie pa fiederalnych kalehach».
Źmianieńnie pazicyi Ramzana Kadyrava adznačyŭ i staršynia savieta pravaabarončaha centra «Miemaryjał» Alaksandr Čarkasaŭ.
Staršynia partyi RPR-PARNAS Michaił Kaśjanaŭ taksama ličyć, što Kadyrava treba dapytać pa spravie Niamcova.
Kaśjanaŭ dadaŭ, što dapytvać kiraŭnika Čačni treba vyklučna ŭ Maskvie, bo tut znachodzicca śledčaja hrupa.
Piśmieńnik i satyryk Viktar Šandarovič adznačaje, što hetuju zajavu Kadyrava vielmi składana kamientavać.
U hramadskaści niama nijakaj infarmacyi, što nasamreč adbyvajecca va ŭładzie.
Šandarovič dadaŭ, što dalej usio budzie zaležyć ad taho, chto i jak budzie dapytvać Kadyrava, ci budzie heta zroblena «dla hałački» ci nasamreč.
Andrej Dźmitryjeŭ źjeździŭ u Bundestah, kab davieści nieabchodnaść udziełu Łukašenki ŭ mirnych pieramovach11
Kamientary