Zatrymany padazravany ŭ zabojstvie minčanki, jakuju šukali jak bieź viestak źnikłuju, paviedamiŭ BiełaPAN aficyjny pradstaŭnik upraŭleńnia Śledčaha kamiteta Biełarusi pa Minsku Alaksandr Hierasimaŭ.
10 kastryčnika ŭ Leninskaje RUUS Minska źviarnułasia 20-hadovaja dziaŭčyna z zajavaj ab źniknieńni maci. 9 kastryčnika kala 16.00 žančyna pavinna była nakiravacca z pracy (vuł. Kazinca, 88) dadomu na praśpiekt Rakasoŭskaha, ale doma tak i nie źjaviłasia.
Śledčymi padraździaleńniami va ŭzajemadziejańni z orhanami milicyi byŭ pačaty kompleks śledčych dziejańniaŭ i apieratyŭna-vyšukovych mierapryjemstvaŭ, nakiravanych na ŭstanaŭleńnie miescaznachodžańnia žančyny. U pošuku źnikłaj aktyŭna ŭdzielničała hramadskaść, partrety žančyny byli rasklejenyja amal na kožnym słupie ŭ Kurasoŭščynie.
U vyniku sumiesnych mierapryjemstvaŭ, praviedzienych supracoŭnikami śledčych padraździaleńniaŭ i padraździaleńniaŭ kryminalnaha vyšuku, ustanoŭlena, što źnikłaja žančyna stała achviaraj zabojstva.
Padazravany ŭ ździajśnieńni ciažkaha złačynstva zatrymany, ź im pracujuć śledčyja. Jon daje pryznalnyja pakazańni. Znojdziena cieła zahinułaj.
Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ3
Kamientary