U Breście pad kołami hruzavika zahinuŭ dzieviacihadovy chłopčyk, paviedamiła karespandentu BiełTA načalnik adździaleńnia ahitacyi i prapahandy ŭpraŭleńnia DAI UUS Bresckaha abłvykankama Natalla Sacharčuk.
Trahiedyja adbyłasia 6 kastryčnika ŭ 18.55 na vyjeździe z bulvara Šaŭčenki na kalco pa vulicy Nabiarežnaj.
Pavodle papiaredniaj viersii, 39-hadovy žychar Bresta na hruzaviku nie sastupiŭ darohu viełasipiedystu 2005 naradžeńnia, vučniu 4-ha kłasa, jaki pierasiakaŭ prajeznuju častku na rovary na nierehulavanym piešachodnym pierachodzie. U vyniku DTZ chłopčyk atrymaŭ cialesnyja paškodžańni i pamior pa darozie ŭ balnicu ŭ mašynie chutkaj miedycynskaj dapamohi.
Ci była mahčymaść u kiroŭcy hružanaj piaskom mašyny paźbiehnuć najezdu na dzicia, budzie ŭstanoŭlena padčas śledčych dziejańniaŭ.
Pa hetym fakcie pravodzicca pravierka. Uziataja na daśledavańnie kroŭ u kiroŭcy pakazała, što na momant avaryi mužčyna byŭ ćviarozy.
Natalla Sacharčuk nahadała, što ŭ adpaviednaści z praviłami darožnaha ruchu
pry padjeździe da nierehulavanaha piešachodnaha pierachoda kiroŭca pavinien źnizić chutkaść aŭtamabila až da jaho poŭnaha spynieńnia i pry najaŭnaści piešachoda dać jamu pieravahu ŭ ruchu.
Viełasipiedyst ž u hetym vypadku pavinien źleźci z rovara i kacić jaho ŭ rukach.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana10
Kamientary