Nazarbajeŭ nahadaŭ ab pravie Kazachstana na vychad ź Jeŭrazijskaha sajuza
Prezident Kazachstana Nursułtan Nazarbajeŭ nahadaŭ ab pravie Kazachstana na vychad ź JEAES, kali buduć uščamlacca intaresy krainy, pieradaje karespandent Tengrinews.kz. Pra heta jon zajaviŭ u intervju telekanału «Chabar».
«Kali nie buduć vykonvacca praviły, apisanyja ŭ damovie, Kazachstan maje prava vyjści ź JEAES. Ja ŭžo heta kazaŭ, i paŭtaraju znoŭ. Kazachstan nie budzie ŭvachodzić u arhanizacyi, jakija pahražajuć našaj niezaležnaści. Niezaležnaść - heta samaje hałoŭnaje naša bahaćcie», - skazaŭ prezident.
Jon adznačyŭ, što časta vykazvajecca mierkavańnie ab tym, što ŭ JEAES intaresy Kazachstana buduć uščamlacca. «Heta nie tak. Kali prezidenty Kazachstana, Rasii i Biełarusi źbirajucca i vyrašajuć pytańni, kali chtości adzin suprać, heta rašeńnie nie prymajecca. Heta nazyvajecca kansensus. Kali mnie nie spadabajecca ich rašeńnie, to ja vykažusia suprać, i jano pryniata nie budzie. Heta aznačaje, što ŭ nas va ŭsich adnolkavyja pravy», - skazaŭ Nazarbajeŭ.
«Jość Jeŭrazijskaja ekanamičnaja kamisija, u jakoj pa try čałavieki z kožnaj krainy i 3 namieśnika premjer-ministra. U ich taksama rašeńni prymajucca razam. Kali sustrakajucca kiraŭniki ŭradaŭ - taksama», - dadaŭ kiraŭnik dziaržavy.
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary