Vice-prezident ZŠA Džo Bajden jašče raz zapeŭniŭ, što ZŠA i ŭvieś Aljans hatovyja zabiaśpiečyć biaśpieku ŭsich členaŭ NATA. Hetyja słovy prahučali paśla taho jak Rasija de-fakta aneksavała Krymski paŭvostraŭ i praviała biesprecedentnyja vučeńni la miežaŭ krainaŭ Bałtyi i Polščy.
Bajden nahadaŭ, što viasnoj jak raz adznačajuć 10-hodździe členstva krain Bałtyi ŭ NATA. Pavodle jaho słovaŭ, nichto nie razumieje važnaść svabody Jeŭropy lepš za krainy Bałtyi, jakija 50 hadoŭ byli akupavanyja SSSR.
«Siońnia ja razmaŭlaŭ z maimi kalehami — prezidentami Łatvii i Litvy — pra situacyju na Ukrainie. Učora sustrakaŭsia z prezidentam Estonii i prezidentam dy premjeram Polščy. Litoŭcy, łatyšy i estoncy zusim niadaŭna złučylisia na Bałtyjskim šlachu, Ukraina taksama pakazała śmiełaść, ažyćciaŭlajučy žadańnie ludziej na lepšaje žyćcio i intehracyju ŭ Jeŭropu. Rasija vybrała žorstki vajenny adkaz: praviedzieny refierendum, jaki nie pryznajuć praktyčna ŭsie krainy śvietu. Heta niezakonnaja aneksija Kryma», — skazaŭ Bajden.
«Da błasłavić Boh našyja narody i vojski», — skazaŭ u kancy pramovy vice-prezident ZŠA.
U svaju čarhu prezident Litvy Dala Hrybaŭskajte padziakavała ZŠA za apieratyŭnuju reakcyju na kryzis u Krymie.
19 sakavika Hrybaŭskajte sustrełasia ź vice-prezidentam ZŠA Bajdenam i priezidentam Łatvii Andrysam Bierzińšam i abmierkavała biaśpieku krain Bałtyi.
Pavodle słovaŭ Hrybaŭskajte, na sustrečy razmova išła ab situacyi na Ukrainie i jaje značeńni dla biaśpieki krain Bałtyi i ŭsioj Jeŭropy. Prezident Litvy skazała, što situacyja, jakaja skłałasia, aceńvajecca jak surjoznaja pahroza, pakolki paśla adździaleńnia Kryma ad Ukrainy ŭ Jeŭropie ŭpieršyniu z časoŭ chałodnaj vajny žorstkim sposabam pieračerčvajuć miežy krain.
Hrybaŭskajte skazała, što ŭsie partniory ličać vyniki refierendumu ŭ Krymie niezakonnymi. Pavodle jaje słovaŭ, Rasija pa sutnaści pravodzić aneksiju Kryma.
«Situacyja vyklikaje pramuju pahrozu», — skazała Hrybaŭskajte.
U sieradu adbyłasia dvuchbakovaja sustreča Bajdena i Hrybaŭskajte, na jakoj asablivaja ŭvaha pavinna była być nadadzienaja biaśpiecy krain Bałtyi. Potym adbyłasia trochbakovaja sustreča Bajdena, z Hrybaŭskajte i Bierzińšam.
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3131
Kamientary