Paśla incydentu z transparciroŭkaj karovy zvolniena zahadčyca fiermy
Pamočniku zahadčycy, vietfielčaru, abjaŭlena vymova, zaatechniku ŭčastka «Znamienka» — zaŭvaha.
Supracoŭniki fiermy «Znamienka» ŭ Bresckim rajonie, vinavatyja ŭ parušeńni pravił transparciroŭki bujnoj rahataj žyvioły, pryciahnuty da adkaznaści, zahadčyca fiermy zvolniena. Pra heta BiełaPAN paviedamiŭ namieśnik dyrektara departamienta vieterynarnaha i charčovaha nahladu Ministerstva sielskaj haspadarki i charčavańnia Michaił Areška.
Nahadajem, 6 červienia na sajcie nn.by byŭ apublikavany dasłany ŭ redakcyju videarolik pra transparciroŭku karovy ź fiermy «Znamienka», jakaja ŭvachodzić u skład AAT «Miednaŭskaja ptuškafabryka», na AAT «Brescki miasakambinat». Kab pahruzić karovu, supracoŭniki fiermy skinuli žyviolinu z kaŭša pahruzčyka ŭ hruzavik ź vialikaj vyšyni. Videa vyklikała šyroki hramadski rezanans.
Pavodle słoŭ Areški, 12 červienia adbyłosia pasiadžeńnie naziralnaha savieta AAT «Miednaŭskaja ptuškafabryka», na jakim abmiarkoŭvalisia parušeńni pravił transparciroŭki bujnoj rahataj žyvioły na ŭčastku «Znamienka». U pryvatnaści, na pasiadžeńni paviedamlałasia, što pahruzka i transparciroŭka pavinny ažyćciaŭlacca pad kantrolem zahadčyka fiermy i vietfielčara.
Zhodna z rašeńniem naziralnaha savieta, zahadčyca fiermy zvolniena za sistematyčnaje nievykanańnie słužbovych abaviazkaŭ. Pamočniku zahadčycy, vietfielčaru, abjaŭlena vymova, zaatechniku ŭčastka «Znamienka» — zaŭvaha.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary