Ministr abarony Litvy Juozas Alekas zajaviŭ, što niekatoryja elemienty budučych vajennych vučeńniaŭ Biełarusi i Rasii nakiravany suprać susiedziaŭ.
«Ja dumaju, što my pavinny znajści inšyja formy supracoŭnictva z Rasijaj i Biełaruśsiu, i niekatoryja elemienty, jakija vykarystoŭvajucca na hetych vučeńniach, mnie zdajecca, nakiravanyja i suprać susiedziaŭ. Hetaha nie pavinna być», — skazaŭ BNS Alekas, adkazvajučy na pytańnie ab tym, jak jon aceńvaje bujnamaštabnyja vučeńni
Pavodle jaho słoŭ, vajennaja aktyŭnaść Rasii ŭ rehijonie Bałtyjskaha mora patrabuje dadatkovaj uvahi.
«Naša intehracyja ŭ NATA, madernizacyja našaj armii umacoŭvaje biaśpieku Litvy i Bałtyjskich krain. Ź inšaha boku, madernizacyja inšych krain, jakija nie čalcy NATA, u tym liku i Rasii, jakaja aktyvizavała vučeńni la našych dziaržmiežaŭ, patrabujuć dadatkovaj uvahi i z našaha boku», — skazaŭ kiraŭnik Minabarony.
Vajennaje kiraŭnictva Rasii i Biełarusi zajaviła, što ŭ vieraśni 2013 hoda dźvie dziaržavy praviaduć sumiesnyja vajennyja vučeńni stratehičnaha ŭzroŭniu «Zachad -2013». Vučeńni pavinny prajści ŭ dva etapy na palihonach Rasii i Biełarusi.
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary