Prem'jer-ministr Rasii Dźmitryj Miadźviedzieŭ nazvaŭ poŭnym tryźnieńniem čutki pra toje, što Rasija sprabuje adradzić Saviecki Sajuz, i zajaviŭ, što šlachu ŭ minułaje nie isnuje, a ŭmacavańnie intehracyi idzie na ŭzajemavyhadnaj asnovie.
«My vielmi časta čujem, va ŭsiakim vypadku pa palityčnaj linii, paproki ŭ tym, što Mytny sajuz i Adzinaja ekanamičnaja prastora — heta adradžeńnie Savieckaha Sajuza. Heta poŭnaja
biazhłuździca, šlachu ŭ minułaje nie isnuje.Azirniciesia vakoł, pahladzicie na siabie i na nas — usie my stali inšymi, i ŭsie my hladzim u budučyniu, i ŭ nas jość dakładny płan umacavańnia intehracyi na ŭzajemavyhadnaj asnovie. My, darečy, realizujem jaho, zasvoiŭšy jak stanoŭčyja, tak i admoŭnyja ŭroki pabudovy Jeŭrasajuza, i ŭpeŭnienyja ŭ pośpiechu», — skazaŭ Miadźviedzieŭ, vystupajučy na Suśvietnym ekanamičnym forumie ŭ Davosie.
Jon adznačyŭ, što składanaściej na hetym šlachu niamała, ale vyhod bolš.
«Mienavita tamu my prapanujem Jeŭrasajuzu pierajści da bolš ciesnaha, a kali žadajecie — maksimalna ciesnaha supracoŭnictva, uvieści biaźvizavy režym, narešcie, sfarmavać ahulnuju ekanamičnuju prastoru, jakoje moža stać asnovaj adzinaha rynku ad Atłantyki da Cichaha akijana», — dadaŭ Miadźviedzieŭ.
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary