U spravie fihuruje raznaboj u dakumientach Minharvykankama, padpisanych čynoŭnikam.
U Minskim abłasnym sudzie praciahvajecca razhlad spravy byłoha pieršaha namieśnika staršyni Minharvykankama Ihara Vasiljeva.
21 śniežnia byli dapytanyja śviedki pa hetaj spravie: namieśnica staličnaha kiraŭnika Žanna Biryč, eks-namieśnik Siarhiej Radaman i načalnica jurydyčnaha adździeła Minharvykankama Iryna Vusava.
Pytańni tyčylisia zaklučeńnia damovy z češskaj firmaj na budaŭnictva ŭ Minsku zavoda pa pierapracoŭcy śmiećcia. U suviazi z hetym stali viadomyja niekatoryja akaličnaści. U pryvatnaści,
na damovie pamiž staličnaj meryjaj i češskaj firmaj staić data — 31 sakavika 2011 hoda. A siužet z hetaha padpisańnia na telekanale STB źjaviŭsia jašče 16 sakavika.
Pra heta śviedčać materyjały spravy, ahučanyja na pracesie. H.zn. damova padpisvałasia na dva tydni raniej, pryčym u śviatočnaj atmaśfiery. Ale jašče bolš cikavy fakt, što
ad češskaj firmy ŭ Minharvykankam zajava z prośbaj zaklučyć ź imi inviestycyjny prajekt pastupiła 17 sakavika.
Načalnica jurydyčnaha adździeła Minharvykankama na sudzie vykazała viersiju, jak mahło atrymacca, što zajava pastupiła paśla padpisańnia damovy. Zajava mahła padavacca raniej, ale praz mahčymyja niedapracoŭki ci pamyłki mahła pierapisvacca i znoŭ padavacca. Ale heta tolki mierkavańnie. Było b cikava daviedacca, što pra heta dumaje sam staršynia harvykankama Mikałaj Ładućka, jaki padpisvaŭ damovu. Chacia zrazumieła, što jon asoba techničnaja ŭ takich spravach — dakumienty rychtujuć jaho nadnačalenyja.
Pakul ni adzin z bakoŭ nie zajaviŭ pra žadańnie dapytać u sudzie Ładućku.
Ale praces nie skončany. Moža jašče i pabačam mera na sudzie nad jaho eks-namieśnikam.
Što da češskaj firmy «EkaKlinEnerdžy», to zavod jana ŭ Minsku nie pabuduje. Prynamsi, papiaredniaja damova razarvanaja ŭ kastryčniku. A ŭ listapadzie ŭ Haspadarčy sud padali zajavu ab spahnańni štrafnych sankcyj ź firmy, pakolki sama firma taho nie vykanała.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana10
Kamientary