Milinkievič: «Zajavy Łukašenki ŭsim užo abrydli»
Prymajučy delehacyju rasiejskich žurnalistaŭ, Alaksandar Łukašenka zajaviŭ, što ŭ Biełarusi možna svabodna nabyć lubuju niezaležnuju presu. Adkazvajučy na pytańnie, kim jon bačyć siabie pa-za palitykaj, jon zajaviŭ: «Kali nia budu prezydentam, to j zajmacca ničym nia budu». Jon taksama pužaŭ prychodam da ŭłady nacyjanalistaŭ («Adziny kandydat ad apazycyi — heta čałaviek ź Biełaruskaha Narodnaha Frontu») i havaryŭ pra infarmacyjnyja vojny suprać siabie. A.Milinkievič adreahavaŭ na zajavy ŭ toj ža dzień: «U Rasiei ŭžo pačynajuć razumieć, što Biełaruś — heta nia tolki i nia stolki Łukašenka i jaho atačeńnie. U Biełarusi jość palityki pradkazalnyja i paśladoŭnyja, za jakimi staić narod i jakija buduć vieści z Rasiejaj dyjaloh, biaz krykaŭ i šantažu». A zajavy Łukašenki pra toje, što niechta viadzie ź im infarmacyjnyja vojny, «užo ŭsim abrydli».
❏
Biełaruskaja vyšynia
U novym rejtynh-liście Mižnarodnaj federacyi futbołu Biełaruś uźniałasia na rekordnaje dla siabie 59-je miesca, skočyŭšy za miesiac na 11 prystupak uvierch. Pośpiech dasiahnuty dziakujučy pieramozie 12 listapada ŭ tavaryskaj hulni z Łatvijaj. Uznačalvaje ž śpis z 205 kamandaŭ zbornaja Brazylii.
AR, belapan.com, fifa.com
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary