Znajści
Ałharytmičny łacinski varyjant
07.06.2023 / 19:411RusŁacBieł

MNS pakazała nastupstvy vybuchu na Śvietłahorskim CKK

Na kadrach, apublikavanych pres-słužbaj MNS, bačna, što adzin z budynkaŭ kambinata atrymaŭ paškodžańni. Rabotniki MNS raźbirajuć zavały.

U pres-słužbie Ministerstva achovy zdaroŭja zajavili ab čatyroch paciarpiełych. U ich dyjahnastavany pavierchnievyja rany hałavy i apioki ruk. Jany atrymali dapamohu na miescy.

Śledčy kamitet raspačaŭ kryminalnuju spravu pa art. 302 KK RB (Parušeńnie praviłaŭ vytvorča-techničnaj dyscypliny, praviłaŭ biaśpieki na vybuchovaniebiaśpiečnych pradpryjemstvach abo ŭ vybuchovaniebiaśpiečnych cechach abo praviłaŭ biaśpieki vybuchovaniebiaśpiečnych rabot).

Siońnia dniom vybuch adbyŭsia na zavodzie bielenaj celułozy ŭ Śvietłahorsku.

Jak raskazali «Svabodzie» krynicy, «vybuch byŭ taki, nibyta bomba ŭpała», jaho było čuvać u susiedniaj z zavodam vioscy Jakimava Słabada.

Staršynia Śvietłahorskaha rajvykankama Dźmitryj Šabietnik daŭ kamientar pra zdareńnie miascovamu vydańniu.

Pavodle jaho, z 2 červienia zavod bielenaj celułozy Śvietłahorskaha CKK znachodziŭsia na aficyjnym pierapynku. Pry praviadzieńni prafiłaktyčnych i ramontnych rabot u cechu vyparki škipinaru pry pramyvańni ciepłaabmieńnika adbyŭsia vybuch.

Na pradpryjemstvie pracuje kamisija dla vyśviatleńnia pryčyn taho, što adbyłosia.

«Pahrozy dla žyćcia i zdaroŭja nasielnictva niama», — skazaŭ čynoŭnik.

U 2020 hodzie na CKK u vyniku vybuchu na čanie rakitavaha aleju zahinuŭ čałaviek — 40-hadovy zvarščyk Alaksandr Rusinovič.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
2
Ха-ха
0
Ого
2
Сумна
8
Абуральна
4
0
Andruś/adkazać/
07.06.2023
Z adnaho boku i dobra, što ŭsich adekvatnych z hetaha CKK pazvalniali ŭ 2020-m za "prahuły", praviedzienyja ŭ IČU. A hetyja ciapier pracujuć pavodle kitajskich praviłaŭ. Jany pakul zavod budavali tam niekalki kitajcaŭ pahinuła, i pavodle ichnich normaŭ hibiel na vytvorčaści mieniej za 10 čałaviek - heta nie niaščasny vypadak, a prosta vytvorčyja vydatki raschodnaha materyjału - pracoŭnych resursaŭ. Ich prost śpisvajuć aktam, jak cialat na fiermie. 
łukašenka ž pry pabuudovie zavoda vydaŭ ukaz, jaki dazvalaje na ZBC karystacca kitajskimi normami. Voś ciapier rabotnikaŭ taksama možna aktam ab nievytvorčym vybyćci śpisvać.   
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera