Zdareńni

Vybuch adbyŭsia na zavodzie bielenaj celułozy ŭ Śvietłahorsku 

Prykładna ŭ 15:30 — 15:40 u Śvietłahorsku byŭ čutny huk, padobny na vybuch. MNS paćvierdzili zdareńnie na zavodzie. 

Usie fota: ranak_me / Telegram

Jak piša telehram-kanał «Ranak», zdareńnie adbyłosia na zavodzie bielenaj celułozy.

Na terytoryi zavoda pracujuć ekstrannyja słužby. Jak možna mierkavać pa fota, z terytoryi vyciakaje niejkaja vadkaść i, kab spynić uciečku, jaje zasypajuć apiłkami.

Jak raskazali «Svabodzie» krynicy, «vybuch byŭ taki, nibyta bomba ŭpała», jaho było čuvać u susiedniaj z zavodam vioscy Jakimava Słabada. Pavodle inšaj krynicy, «uzarvaŭsia čan z tałavym masłam», u vyniku vybuchu «ŭsie vokny vylecieli na zavodzie»

MNS paźniej paviedamiła, što ratavalniki vyjechali pa paviedamleńni ab uspyšcy hazapavietranaj sumiesi biez nastupnaha hareńnia na terytoryi AAT «Śvietłahorski CKK» u Śvietłahorsku Homielskaj vobłaści.

Viaducca raboty pa pošuku dvuch rabočych pradpryjemstva, jakija pravodzili rehłamientnyja raboty.

Ale što heta značyć, nie paviedamlajecca. 

Staršynia Śvietłahorskaha rajvykankama Dźmitryj Šabietnik daŭ kamientar pra situacyju miascovamu vydańniu.

Pavodle jaho, 2 červienia zavod bielenaj celułozy Śvietłahorskaha CKK znachodziŭsia na aficyjnym pierapynku. Pry praviadzieńni prafiłaktyčnych i ramontnych rabot u cechu vyparki škipinaru pry pramyvańni ciepłaabmieńnika adbyŭsia vybuch.

Na pradpryjemstvie pracuje kamisija dla vyśviatleńnia pryčyn taho, što adbyłosia.

«Pahrozy dla žyćcia i zdaroŭja nasielnictva niama», — skazaŭ čynoŭnik.

U 2020 hodzie na CKK u vyniku vybuchu na čanie rakitavaha aleju zahinuŭ čałaviek — 40-hadovy zvarščyk Alaksandr Rusinovič.

Kamientary

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Usie naviny →
Usie naviny

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku7

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta17

bolš čytanych navin
bolš łajkanych navin

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Hałoŭnaje
Usie naviny →