Грамадства11

Што вядома пра хлопца, якога вінавацілі ў забойстве ў Серабранцы і застрэлілі пры затрыманні

Аляксандра Ліпскага не маглі знайсці тры гады.

Аляксандр Ліпскі. Фота: Анлайнер

13 жніўня пры затрыманні застрэлілі 32-гадовага Аляксандра Ліпскага, падазраванага ў забойстве. Хлопца і яго маці шукалі тры гады, але знайшлі толькі цяпер. З дапамогай «Белпола» «Наша Ніва» даведалася пра яго больш. 

Аляксандру Ліпскаму было 32 гады. Нарадзіўся ён у горадзе Светлагорску Гомельскай вобласці.

З простай сям'і — маці працавала апаратчыцай цэха хімводапрачысткі на Светлагорскай ТЭЦ. У 2009 годзе сям'я пераехала ў Мінск, і яна ўладкавалася ў «Мінскэнерга». Звольнілася адтуль у 2012, працавала на «Амкадоры», у клінінгавай кампаніі, у пяцізоркавым «Прэзідэнт-гатэлі» на вуліцы Кірава.

Бацька тым часам быў на вахтах у Расіі, у асноўным буравіком на нафтавых станцыях.

Раіса і Уладзімір Ліпскія. Фота з базаў «Белпола».

Ліпскі вучыўся ў Беларускім нацыянальным тэхнічным універсітэце. У 2015 пайшоў працаваць на прадпрыемства «Дыэкас», якое займаецца тэхнічным абслугоўваннем транспарту для будаўніцтва. Пасля перайшоў у «Беларуснафту». А ў 2018 адкрыў ІП з відам дзейнасці «Паслугі ў галіне сухапутнага транспарту».

Аляксандр Ліпскі прапісаны ў Вязынцы Маладзечанскага раёна. У сувязі з гэтым пра сям'ю пісалі медыя — кааператыў узяў з іх грошы, каб правесці газ, але кінуў. 

Хлопец увогуле вёў закрыты лад жыцця. Ён не вёў сацсетак, на яго не былі зарэгістраваныя тэлефонныя нумары, у інтэрнэце амаль няма яго фота.

Аляксандр Ліпскі з маці Раісай. Фота: Анлайнер

А яшчэ Ліпскі меў судзімасць. 24 снежня 2018 года ён распыліў у твар нейкаму чалавеку газавы балончык, пасля пабіў іншага мужчыну. За гэта супраць яго пачалі крымінальную справу, а пасля ўзялі пад варту ў жніўні 2019-га. У снежні 2019 яму прысудзілі 4 гады хіміі і 3825 рублёў штрафу.

Аляксандра Ліпскага падазравалі ў забойстве, здзейсненым у лістападзе 2021 года. Тады ён са зброяй увайшоў у кватэру і стрэліў у 33-гадовую жанчыну. Яна памерла. Яе муж скокнуў з акна і застаўся жывы. А Аляксандра і яго маці Раісу аб'явілі ў вышук.

Дом па Ракасоўскага, 75, дзе і адбылося забойства. Фота: maps.yandex.ru

Па звестках «Белпола», менавіта на Ракасоўскага ён здзейсніў папярэдняе злачынства, за якое быў асуджаны — толькі ў доме праз дарогу.

Згодна з паведамленнем МУС, знайшлі Ліпскага з дапамогай расійскіх сілавікоў праз бацьку, які на той момант працаваў у Расіі.

Аляксандра Ліпскага застрэлілі падчас затрымання. Паказалі і схрон, у якім хаваўся хлопец. Што стала з яго маці, не паведамляецца, але, падобна, яны не былі разам.

Схрон на балконе кватэры, у якой хаваўся Аляксандр Ліпскі. Скрыншот з відэа МУС

«Наша Нiва» — бастыён беларушчыны

ПАДТРЫМАЦЬ

Каментары1

  • Ён
    16.08.2024
    Незразумела, за што маці аб'явілі ў вышук?

Год Сырскага. Як ваюе ўкраінская армія з гэтым галоўнакамандуючым2

Год Сырскага. Як ваюе ўкраінская армія з гэтым галоўнакамандуючым

Усе навіны →
Усе навіны

Што рабіць, калі ваш тэлефон упаў у шахту ліфта?5

Беларускія астравы, пра якія вы маглі не ведаць2

Зяленскі расказаў, як бачыць «здзелку» з Трампам па карысных выкапнях9

У Пецярбургу музыка выкінуўся з 10-га паверха, калі да яго прыйшлі з ператрусам за «фінансаванне УСУ»7

Журналіста Ігара Ільяша абвінавачваюць па двух крымінальных артыкулах1

У Беларусі ўсё ж такі забароняць Хагі Вагі. Міністр адукацыі лічыць, што гэтая цацка правакуе гвалт11

Трамп плануе сустрэцца з Зяленскім на наступным тыдні12

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне32

Чаму высокі ціск не дазваляе расійскім Суперджэтам лятаць? Хоць для Боінга гэта не праблема23

больш чытаных навін
больш лайканых навін

Год Сырскага. Як ваюе ўкраінская армія з гэтым галоўнакамандуючым2

Год Сырскага. Як ваюе ўкраінская армія з гэтым галоўнакамандуючым

Галоўнае
Усе навіны →

Заўвага:

 

 

 

 

Закрыць Паведаміць