Свет

Сярод краін, якія падтрымліваюць Украіну зброяй, ёсць і Сербія. Але не напрамую

Сербія непрыкметна нарошчвае продаж на захад боепрыпасаў, якія ў выніку ідуць на ўзмацненне абароны Украіны: нягледзячы на тое, што яна адна з дзвюх еўрапейскіх краін, якія не далучыліся да заходніх санкцый супраць Расіі, піша The Financial Times.

 Прэзідэнт Сербіі Аляксандр Вучыч (справа) з кіраўніком Рэспублікі Сербскай у складзе Босніі і Герцагавіны Міларадам Додзікам. Фота: AP Photo/Darko Vojinovic

Паводле ацэнак выдання, з моманту пачатку поўнамаштабнай вайны ва Украіне аб'ём экспарту боепрыпасаў з Сербіі ва Украіну праз трэція краіны склаў каля 800 млн еўра. Гэтую суму ў прынцыпе прызнае і прэзідэнт Сербіі Аляксандр Вучыч, які прадстаўляе сітуацыю як магчымасці для сербскага бізнэсу, настойваючы пры гэтым, што Сербія як дзяржава не будзе прымаць нічый бок у ваенным канфлікце.

«Гэта частка нашага эканамічнага адраджэння, і гэта важна для нас. Так, мы экспартуем нашы боепрыпасы… Мы не можам экспартаваць ва Украіну ці ў Расію… Але ў нас было шмат кантрактаў з амерыканцамі, іспанцамі, чэхамі і іншымі. Што яны з гэтым робяць у канчатковым выніку — іх справа», — заявіў Вучыч.

«Еўропа і ЗША гадамі працавалі над тым, каб аддаліць Вучыча ад Пуціна», — сказаў адзін заходні дыпламат, дадаўшы, што галоўным гульцом у гэтым быў амбасадар ЗША ў Сербіі Крыстафер Хіл, які прыбыў у Бялград праз месяц пасля лютага 2022 года.

«Усе чакалі, што Хіл будзе змагацца з Вучычам, але яго адзінай задачай было аддаліць Бялград ад Масквы… Яму гэта ўдалося. Вучыч не сустракаўся і нават не тэлефанаваў Пуціну цягам многіх гадоў. І, вядома, ёсць пытанне аб пастаўках зброі, якая трапляе ва Украіну», — сказаў дыпламат.

Па словах аналітыкаў, для Захаду пошук падтрымкі Украіны стаў важнейшым, чым падштурхоўванне нацыяналістычнага лідара Сербіі да дэмакратычных рэформаў.

«Вучыч замоўчвае, што падтрымка Украіны ёсць, але не прамая… Ён гаворыць размыта. Відавочна, што ён не хоча прызнаваць гэтага. Ён хоча, каб ягоныя ўльтраправыя былі задаволеныя, у той час як на самай справе Сербія [прапанавала] Украіне маштабную дапамогу», — гаворыць навуковы супрацоўнік Інстытута гуманітарных навук у Вене Іван Вейвода.

Удзел Сербіі ў пастаўках боепрыпасаў ва Украіну настолькі завуаляваны, што афіцыйныя звесткі не адлюстроўваюць яго, мяркуюць дыпламаты і аналітыкі.

Каментары

Работніцы суда пагражае да 12 гадоў за «заклікі да санкцый і абразу Лукашэнкі»3

Работніцы суда пагражае да 12 гадоў за «заклікі да санкцый і абразу Лукашэнкі»

Усе навіны →
Усе навіны

Гэты карлікавы кот з сарамлівым выглядам стаў новай зоркай сацсетак5

У гатэлі Бангкока знойдзены мёртвымі шэсць грамадзян В'етнама1

Названы свежы медыянны заробак. І ён намнога меншы за сярэдні

Высветлілася, што пад Масквой патануў кіраўнік дэлегацыі вайскоўцаў КНДР

Рабочаму з Баранавічаў далі год за лайкі пад карыкатурамі на Лукашэнку. Цяпер пагражае яшчэ да 12 гадоў3

Замах на Дональда Трампа планаваў Іран — CNN12

Мінэнерга паведаміла пра аднаўленне электразабеспячэння Мазыра1

Мазырская вертыкальшчыца далажыла пра аднаўленне водазабеспячэння. У каментарах ёй пярэчаць

Ад сёння Літва мае намер увесці абмежаванні на ўезд аўто з беларускімі нумарамі31

больш чытаных навін
больш лайканых навін

Работніцы суда пагражае да 12 гадоў за «заклікі да санкцый і абразу Лукашэнкі»3

Работніцы суда пагражае да 12 гадоў за «заклікі да санкцый і абразу Лукашэнкі»

Галоўнае
Усе навіны →