Грамадства

Актывісты склалі петыцыю ў польскі банк Santander з просьбай не дыскрымінаваць беларусаў

Група беларускіх актывістаў з Гданьска склала петыцыю ў польскі банк Santander і Камісію фінансавага нагляду з просьбай не дыскрымінаваць беларусаў. На момант падрыхтоўкі матэрыялу яе падпісала 140 чалавек, піша Most.

Беларусы вырашылі скласці петыцыю пасля таго, як банк запатрабаваў ад беларускіх кліентаў да 26 чэрвеня прадставіць ДНЖ у Польшчы, іншай краіне ЕС, Еўрапейскай эканамічнай зоны ці Швейцарыі. Калі такога дакумента няма або яго тэрмін заканчваецца менш як праз год, кліенту абяцаюць закрыць доступ да інтэрнэт– і мабільнага банкінгу. 

На думку беларускіх актывістаў, такія дзеянні парушаюць Канстытуцыю Польшчы. Яны спасылаюцца на пункт 2 артыкула 32, які абвяшчае, што ніхто не можа падвяргацца дыскрымінацыі ў палітычным, сацыяльным або эканамічным жыцці па якой-небудзь прычыне. 

«Блакіроўка зʼяўляецца відавочнай дыскрымінацыяй па прынцыпе грамадзянства», — гаворыцца ў петыцыі. 

Аўтары петыцыі падкрэсліваюць, што беларусы зʼяўляюцца часткай польскай эканомікі: выплачваюць падаткі і робяць сацыяльныя адлічэнні. Але блакіроўка перашкаджае гэтаму. 

«[З абмежаваннямі] мы не можам свабодна плаціць арэндную плату, падаткі і рабіць адлічэнні на сацыяльнае страхаванне, ажыццяўляць якія-небудзь пераводы і іншыя плацежныя аперацыі», — сцвярджаюць аўтары петыцыі. Яны таксама гавораць аб магчымай блакіроўцы рахункаў беларусаў, у выпадку якой беларускія кліенты банка страцяць сродкі да існавання.

Каментары

Дар‘я Лосік выйшла на свабоду па памілаванні16

Дар‘я Лосік выйшла на свабоду па памілаванні

Усе навіны →
Усе навіны

Былую жонку спевака Руслана Мусвідаса таксама судзілі за пратэсты

Палітвязень Дзяніс Івашын прыслаў бацькам парады, як перажыць спёку: Ніякіх выхадаў у цяпліцу

50 дзецям адмовілі. У беларускамоўнай гімназіі Вільні замала месцаў, бацькі просяць набіраць больш класаў11

Ілан Маск заявіў, што згубіў сына з-за блакатараў палавога выспявання24

У Францішка Скарыны ў Празе скралі пяро — гэта здарылася не ўпершыню3

Замежнікі пішуць у сацсетках, што збіраюцца ў Беларусь па бязвізе. А іх упрошваюць перадумаць11

Паўла Латушку выклікалі ў польскую пракуратуру2

Расійскі вайсковец, якога нібыта сёння ўзарвалі ў Маскве: Я жывы, сяджу на працы

Спевака — пастаяннага ўдзельніка афіцыйных канцэртаў — будуць судзіць за пратэсты1

больш чытаных навін
больш лайканых навін

Дар‘я Лосік выйшла на свабоду па памілаванні16

Дар‘я Лосік выйшла на свабоду па памілаванні

Галоўнае
Усе навіны →