Hramadstva

Aktyvisty skłali pietycyju ŭ polski bank Santander z prośbaj nie dyskryminavać biełarusaŭ

Hrupa biełaruskich aktyvistaŭ z Hdańska skłała pietycyju ŭ polski bank Santander i Kamisiju finansavaha nahladu z prośbaj nie dyskryminavać biełarusaŭ. Na momant padrychtoŭki materyjału jaje padpisała 140 čałaviek, piša Most.

Biełarusy vyrašyli skłaści pietycyju paśla taho, jak bank zapatrabavaŭ ad biełaruskich klijentaŭ da 26 červienia pradstavić DNŽ u Polščy, inšaj krainie ES, Jeŭrapiejskaj ekanamičnaj zony ci Šviejcaryi. Kali takoha dakumienta niama abo jaho termin zakančvajecca mienš jak praz hod, klijentu abiacajuć zakryć dostup da internet– i mabilnaha bankinhu. 

Na dumku biełaruskich aktyvistaŭ, takija dziejańni parušajuć Kanstytucyju Polščy. Jany spasyłajucca na punkt 2 artykuła 32, jaki abviaščaje, što nichto nie moža padviarhacca dyskryminacyi ŭ palityčnym, sacyjalnym abo ekanamičnym žyćci pa jakoj-niebudź pryčynie. 

«Błakiroŭka zjaŭlajecca vidavočnaj dyskryminacyjaj pa pryncypie hramadzianstva», — havorycca ŭ pietycyi. 

Aŭtary pietycyi padkreślivajuć, što biełarusy zjaŭlajucca častkaj polskaj ekanomiki: vypłačvajuć padatki i robiać sacyjalnyja adličeńni. Ale błakiroŭka pieraškadžaje hetamu. 

«[Z abmiežavańniami] my nie možam svabodna płacić arendnuju płatu, padatki i rabić adličeńni na sacyjalnaje strachavańnie, ažyćciaŭlać jakija-niebudź pieravody i inšyja płaciežnyja apieracyi», — śćviardžajuć aŭtary pietycyi. Jany taksama havorać ab mahčymaj błakiroŭcy rachunkaŭ biełarusaŭ, u vypadku jakoj biełaruskija klijenty banka straciać srodki da isnavańnia.

Kamientary

Bajden vychodzić z prezidenckaj honki38

Bajden vychodzić z prezidenckaj honki

Usie naviny →
Usie naviny

«Minskija Patryki? Nie, Bikini Botam». Najlepšyja tvity tydnia4

Źjaviłasia FOTA z suda nad Ryka Kryhieram

Zamiest SMS — vyćcio siren. MNS choča pamianiać sistemu apaviaščeńnia padčas niepahadzi2

Ołaf Šolc dahetul hladzić lampavy televizar6

Słavakija i Vienhryja spyniajuć pampavać naftu praz trubapravod «Družba». Heta važna i dla Biełarusi

USU nanieśli ŭdar pa vajskovym aeradromie ŭ Rastoŭskaj vobłaści1

Niemiec, prysudžany da rasstrełu, datyčny da dyviersij? Voś što za historyja heta mahła być9

U ZŠA vyzvalili žančynu, jakaja adsiadzieła 43 hady ni za što2

Paśla ŭrahanu biełarusy padali bolš za 10 tysiač zajavak u Biełdziaržstrach1

bolš čytanych navin
bolš łajkanych navin

Bajden vychodzić z prezidenckaj honki38

Bajden vychodzić z prezidenckaj honki

Hałoŭnaje
Usie naviny →