«Але Стэфановіч — моцны духам чалавек, трымаецца», — кажа яго сябра.
Праваабаронца «Вясны» палітвязень Валянцін Стэфановіч на 6 месяцаў пераведзены ў ПКТ (памяшканне камернага тыпу), якое ўмовамі ўтрымання нагадвае крытую турму
Пра гэта расказаў Радыё Свабода пасля спаткання сваяк аднаго з вязняў папраўчай калоніі № 15, які ў мэтах бяспекі прасіў не называць яго.
Паводле крыніцы Свабоды, на Валянціна Стэфановіча аказваюць пастаянны ціск:
«Сядзіць у ПКТ ужо некалькі месяцаў, але і адтуль яго рэгулярна саджаюць у ШЫЗА. Бывае, што і больш як на адзін дзесяцідзённы тэрмін. Але Стэфановіч — моцны духам чалавек, трымаецца».
Валянціну Стэфановічу 52 гады, яго асудзілі на 9 гадоў зняволення. Раней было вядома, што праваабаронца працаваў на шкоднай для здароўя вытворчасці — ачыстцы ад ізаляцыі дратоў для атрымання з іх каляровых металаў.
Усяго ў калоніі № 15, якая знаходзіцца на ўскраіне Магілёва, больш за 2 тысячы вязняў; вядома, што з іх больш за 100 — палітычныя.
«Сяргей» не адзін. Вось як КДБ прапануе зарабіць на сачэнні за беларускімі эмігрантамі3
Каментары