26 чалавек затрыманыя. Лукашэнка распавёў пра «малочную справу»
Аляксандр Лукашэнка падчас нарады расказаў пра вялікую крымінальную справу ў малочнай галіне. Паводле яго слоў, выкрыта карупцыйная схема экспарту ў Расію прадукцыі малакаперапрацоўчых прадпрыемстваў.
Генеральны дырэктар «Бабушкиной крынки» Генадзь Скітаў быў прызначаны на пасаду ў верасні 2019 года. Ён сфарміраваў сваю каманду з ліку набліжаных знаёмых і сваякоў і пачаў, паводле слоў Лукашэнкі, «новую збытавую палітыку».
Як расказаў Лукашэнка, пасады начальнікаў філіялаў занялі былыя міліцыянты — з Барысаўскага РУВД і АБЭЗ, — былы кіроўца Скітава, былы кіраўнік барысаўскага камбіната хлебапрадуктаў і сваякі гендырэктара.
Як адзначыў старшыня КДБ Іван Церцель, было затрымана 26 чалавек, на цяперашні момант 15 арыштаваны.
У выніку аператыўна-вышуковых мерапрыемстваў узяты ў распрацоўку 8 камерцыйных груп, якія ўстанавілі кантроль на выгадных для сябе ўмовах над экспартам у Расію, распавёў Лукашэнка.
«Атрыманая інфармацыя паказала, што рэалізацыю схемы не маглі ажыццяўляць без удзелу службовых асоб прадпрыемстваў і дзяржорганаў», — сказаў Лукашэнка, дадаўшы, што там могуць быць і члены ўраду.
«Шляхам подкупу асобныя камерсанты атрымлівалі права першачарговага размеркавання малочнай прадукцыі (масла, сыроў, іншай малочнай прадукцыі) на сваю карысць з магчымасцю закупкі па цане ніжэйшай за ўстаноўлены індыкатыў», — распавёў Лукашэнка.
Ён выказаў меркаванне, што падобная злачынная схема стала магчымай, таму што не выпрацавана сістэма рэалізацыі прадукцыі. «Многія прапануюць праз біржу ўсё прадаваць і гэтак далей. Гэта ваша справа. Але як толькі замялі гэтых дзеячаў, пасадзілі куды трэба, зусім іншыя цэны на прадпрыемствах. І ўсё пачалося, спадар Субоцін (старшыня Віцебскага аблвыканкама — НН.), з Віцебскай вобласці. Можа быць, да вас. Але не дай бог (губернатараў папярэджваю) касякі будуць у вашу бытнасць, мала не падасца. Будзе аж у вачах цёмна, якімі б вы надзейнымі і адданымі мне ні былі. Гэта пытанне не Лукашэнкі. Гэта пытанне дзяржаўнай важнасці», — сказаў ён.
«Я даручыў старшыні Камітэта [дзяржаўнай бяспекі] усіх перапісаць, усю ўласнасць. А ўласнасці там нямерана. Усё павінна быць канфіскавана ў даход дзяржавы. Страту мы бачым. Уся ўласнасць павінна быць у дзяржавы», — сказаў Лукашэнка.
Таксама ён выказаў незадавальненне працаю кіраўніка сваёй Адміністрацыі Ігара Сергеенкі і Наталлі Качанавай як упаўнаважанай па Мінску. «Разбяромся з усімі», — рэзюмаваў Лукашэнка.
Што прапанаваць Лукашэнку за палітвязняў? Спрэчка Стрыжака з Хоміч8
Каментары
Открою тебе небольшой секрет,русские коммерсы сами заказывают такой фальсификат с целью удешевления,но прикладывают к нему документы от нормальных партий. У тебя почему болит от этого? Ты в России живешь? Я в этом не сомневаюсь.
По мне пусть хоть навоз в сыр добавляют. Для вас, россиян,ничего не жалко.