Падчас раскопак на месцы старога Менска знайшлі манету, якой 1250 гадоў
Пра сенсацыйную знаходку падчас раскопак на менскім гарадзішчы паведамілі на інстаграм-старонцы «Стары Менск».
Знойдзеная манета — арабскі срэбраны дырхем, які чаканіўся ў VIII стагоддзі, у 770-я гады.
Тое, што такая манета патрапіла сюды больш як 1200 гадоў таму — «сенсацыя нават для Менкі», сцвярджаюць аўтары роліка. Хоць сцвярджаць, што Менску таксама гэтулькі гадоў, такая знаходка сама па сабе, вядома, падстаў не дае.
Археолагі цяпер працягваюць рабіць прарэзку вала і ўжо дайшлі ніжэй за ўзровень пляцоўкі самога гарадзішча. Манету знайшлі ў самым сэрцы вала, там, дзе ёсць рэшткі драўляных канструкцый.
Каментары