Вядомае і многімі любімае віно Прасека можа цалкам знікнуць з-за глабальнага пацяплення
Любіце бавіць час з келіхам Прасека ці Гран Кру? Ужо неўзабаве мы можам пазбавіцца магчымасці піць гэтыя напоі. Усё з-за дэградацыі глебы ў горных раёнах планеты (дзе вырошчваюцца патрэбныя сарты вінаграду) і частых пераменаў надвор'я.
Італьянскія навукоўцы лічаць, што змена клімату пагражае знікненнем Прасека і іншых папулярных еўрапейскіх вінаў, перадае Euronews.
«Вінаград, з якога робіцца гэтае віно, расце ў горных раёнах Італіі. Ён меншы памерам, ягады менш вадзяністыя і маюць тоўстую скурку. Гэта надае напою асаблівы смак і інтэнсіўны водар.
Аднак ураджайнасць ягад штогод зніжаецца праз спалучэнне такіх фактараў, як экстрэмальныя ўмовы надвор'я, дэградацыя глебы і адток з-за гэтага адтуль насельніцтва, то-бок страту працоўнай сілы для вырошчвання і здабычы пэўных відаў вінаграду», — паведамляе Euronews са спасылкай на італьянскіх навукоўцаў.
Цяперашнія ўмовы надвор'я, якія звязваюць з глабальным пацяпленнем, ускладняюць жыццё вытворцам вінаў. Моцныя праліўныя дажджы ў тых раёнах спрыяюць эрозіі глебы і выклікаюць спаўзанне зямлі пад вінаграднікамі ў Паўночнай Італіі.
Гэтай вясной на італьянскія вінаграднікі абрынуліся магутныя ліўні і град, а затым наступіла спякота, што парушыла працэс фармавання неабходных сартоў вінаграду.
Прагнозы не суцяшаюць: з-за рэзкіх пагодных ваганняў і зменаў клімату ўраджай вінаграду ў Італіі скароціцца на 20% (пры гэтым попыт на Прасека ў свеце велізарны — за пяць гадоў ён павялічыўся больш чым на 33%).
Акрамя Прасека, пад пагрозай могуць апынуцца і іншыя гатункі вінаў: Burgundy, Grand Cru і Cabernet Sauvignon.
Зняволены расказаў, як сядзеў у калоніі ў Глыбокім у суседняй камеры са Статкевічам3
Каментары