На кніжнай выставе ў Беластоку будзе працаваць беларускі павільён з кнігамі некалькіх выдавецтваў
21-23 красавіка ў Беластоку пройдзе грандыёзная кніжная выстава — галоўнае мерапрыемства такога кшталту на ўсходзе Польшчы. Сярод удзельнікаў — беларускія незалежныя выдавецтвы, якія будуць мець адмысловы павільён пад нумарам 24.
Тут вы знойдзеце самы шырокі выбар кніг выдавецтваў «Янушкевіч», «Цымбераў», «Гутэнберг», ARCHE, «Кнігазбор», «Тэхналогія», «Кнігаўка» і іншых. Па-сапраўднаму вялікі выбар кніг, якія выходзілі ў Беларусі, а цяпер — за яе межамі. Выстава будзе праходзіць на тэрыторыі Гарадскога стадыёна (вул. Сланечная, 1). Што важна, уваход і паркоўка бясплатныя.
На выставе ў Беластоку адбудуцца сустрэчы з пісьменнікамі Уладзімірам Арловым (нядзеля, 12.00) і Алесем Кудрыцкім (субота, 14.00).
Будзе прэзентавана шмат навінак:
ад выдавецтва «Янушкевіч»
Алесь Кудрыцкі «Казік з Каменнай Горкі і Вядзьмак Схаванага Горада» (жанр фэнтэзі 12+)
Валер Гапееў «Вольнеры. Прадвесце» (жанр фэнтэзі, казка 12+)
«Ніколі болей. Успаміны рэпрэсаваных гарадзенцаў» (нон-фікшн).
Ад выдавецтва «Гутэнберг»
пазл «Бітва пад Оршай»
Аліна Высоцкая «Беларускі народны соннік».
Ад выдавецтва «Цымбераў»
Наста Кудасава «Побач» (зборнік вершаў), з ілюстрацыямі Святланы Дземідовіч.
Таксама ў Беластоку можна будзе набыць апошнія раманы Альгерда Бахарэвіча, дэтэктыў ад Сціны Джэксан, першае выданне «Вялікага Гэтсбі» Фрэнсіса Фіцджэральда, «І ўзыходзіць сонца» Эрнэста Хэмінгуэя і дадрукаваныя экзэмпляры трох першых кніг пра Гары Потэра.
З'явіўся пазл «Бітва пад Оршай» і «Беларускі народны соннік»
Беларус прадаў на аўкцыёне каробку ад цукерак з тых часоў, калі Мінск яшчэ быў Менскам
-
У сацсетках усплыла карціна Бялыніцкага-Бірулі. Не ўсе вераць, што акадэмік мог маляваць так
-
«З задавальненнем сыграла б Калеснікаву». Святлана Зелянкоўская — пра новыя ролі, Міхалка і тое, як заваблівалі вярнуцца ў Беларусь
-
Міжнародны Кангрэс даследчыкаў Беларусі назваў найлепшыя навуковыя публікацыі за 2023 год
Васкрасенскі: Трэба, каб Сікорскі прывёз падарунак Лукашэнку. А Бяляцкі і 20 завадатараў выйдуць апошнімі26
Каментары