Аляксей Талай наведаў акупаваныя Данецк і Валнаваху. Прывёз сцяг СССР
Беларускі паралімпіец, прыхільнік Аляксандра Лукашэнкі паехаў у занятыя расійскімі войскамі раёны Украіны.
«ДНР — Донецк сегодня. Мы потомки Победителей! Флаг СССР привезли из Беларуси — Минск», — з такім подпісам змясціў гэтае фота ў сябе ў тэлеграм-канале спартовец-паралімпіец Аляксей Талай.
У іншых пастах ён паведамляе пра сустрэчы з «міністрам #МНС ДНР» ды іншыя візіты.
«Былі на адкрыцці дзіцячага садка ў Валнавасе, якому аднавілі вокны, дах і разбураныя камунікацыі.
У Данецку сустрэўся з дзецьмі-сіротамі з Марыупаля.
Малыя абдымалі мяне і вывучалі мае куксы ног і рук, гладзілі мяне і дзівіліся! — расказвае Талай, які стаў інвалідам у 16 гадоў. — Разам з арганізацыяй «Дэльфіны», мясцовым бацюшкам айцом Дзмітрыем прывезлі падарункі ўсім дзецям.
Там жа наведалі параненых салдат у Данецкай бальніцы!» — працягвае Талай.
Ён таксама сустрэўся з курсантамі Кадэцкага корпуса імя Захарчанкі і выступіў у прапагандысцкіх тэлеперадачах.
У Беларусі Талай актыўна падтрымліваў Аляксандра Лукашэнку, у тым ліку і пасля выбараў 2020 года і забойства Рамана Бандарэнкі.
У 2014 годзе расійскія сілы занялі Крым і ўсходнія раёны Данбаса. У лютым 2022 года Расія напала на Украіну ў спадзяванні далучыць да Расіі новыя тэрыторыі, але сутыкнуліся з упартым супрацівам украінцаў. Райцэнтр Валнаваха расійскім войскам удалося ўзяць толькі на 16-ы дзень вайны, пры гэтым горад быў зруйнаваны.
«Пазнаёміўся з новым кіраўніком Валнавахі — сапраўдны мужчына і кіраўнік!» — гаворыць Талай пра кіраўніка акупацыйнай адміністрацыі, прызначанага расіянамі замест законна абранага галаву мясцовага самакіравання.
«Сяргей» не адзін. Вось як КДБ прапануе зарабіць на сачэнні за беларускімі эмігрантамі2
Каментары