Гайдукевіч: Нейкі ідыёт параіў пераходзіць на беларускую мову. Але руская заўсёды будзе роднай
Дэпутат Алег Гайдукевіч пракаментаваў у сябе ў Фэйсбуку зварот да беларусаў лідара «Океана Эльзи» Святаслава Вакарчука, дзе той заклікаў пераходзіць на беларускую мову ў штодзённым жыцці.
«Ва Украіне нейкі ідыёт параіў беларусам масава пераходзіць на беларускую мову і прыбраць рускую! Змагары падхапілі.
Руская мова заўсёды будзе дзяржаўнай мовай на тэрыторыі Беларусі, заўсёды будзе роднай мовай, заўсёды будзе паважаная! Я з гонарам размаўляў і буду размаўляць на рускай мове, як і большасць беларусаў. Роднай была і будзе нам і беларуская мова», — піша Гайдукевіч.
«Першы крок да ўмацавання дзяржаўнасці мы зрабілі менавіта ў сярэдзіне 90-х, калі замацавалі рускую мову дзяржаўнай і разграмілі банду Пазнякоў, Шарэцкіх і іншых.
Заклік да адной дзяржаўнай мовы — гэта заклік да развалу дзяржавы. Ды і наш рэферэндум паставіў у гэтым пытанні кропку. Самыя страшныя расколы ў грамадстве заўсёды па нацыянальным, моўным, рэлігійным пытанні. Усе самыя страшныя войны толькі з-за гэтага. Мы гэтага не дапусцім», — перакананы дэпутат.
У Расіі 28 сакавіка ўнеслі законапраект аб прызнанні суайчыннікамі ўсіх, хто валодае рускай мовай. Беларусаў туды аднясуць таксама.
Так званая абарона русскамоўнага насельніцтва стала абвешчанай Пуціным прычынай для анэксіі Крыма Расіяй у 2014 годзе.
Чытайце таксама:
Святаслаў Вакарчук заклікаў беларусаў пераходзіць на беларускую мову
Лукашэнка заявіў, што сям‘я можа бачыцца з Калеснікавай і што яна нічым не адрозніваецца ад «мільёна» іншых палітвязняў14
Лукашэнка заявіў, што сям‘я можа бачыцца з Калеснікавай і што яна нічым не адрозніваецца ад «мільёна» іншых палітвязняў
«Дамоклаў Меч». Канал «Белорусскій сіловік» настолькі прарасійскі, што многія меркавалі: гэта расіяне яго вядуць. Не, за ім стаіць суперагент Лукашэнкі3838
Каментары