Сёння былі затрыманыя аўтар Youtube-канала «ЧестнОК», журналіст «Трыбуны» Аляксандр Івулін і мантажор канала, экс-супрацоўнік БТ Яраслаў Пісарэнка.
Стала вядома, што Яраслаў Пісарэнка і Аляксандр Івулін знаходзяцца ў ЦІП на Акрэсціна.
Па звестках суседзяў, людзі ў цывільным прыйшлі ў кватэру каля 13:00 з ператрусам, запрашалі суседзяў стаць панятымі. А 16:00 Івуліна і Пісарэнку павезлі на дзвюх машынах.
Нагадаем, у гэтым сезоне Івулін стаў футбалістам «Крумкачоў».
Пісарэнка ў жніўні пакінуў БТ, дзе працаваў вядоўцам і каментатарам.
Каментары