Upieršyniu ŭ historyi biełyja pierastali być bolšaściu ŭ Brazilii. Pavodle papiarednich vynikaŭ pierapisu 2010 hoda, dola biełaha nasielnictva składaje 47,7%.
U Brazilii žyvie kala 191 młn čałaviek. Prykładna 91 młn brazilcaŭ padčas pierapisu pakazali, što adnosiać siabie da biełaj rasy, 82 miljony čałaviek zajavili, što naležać da źmiašanaj rasy, i 15 miljonaŭ — da čornaj rasy.
U 2000 hodzie biełyja składali 53,7% nasielnictva Brazilii. Za apošnija dziesiać hadoŭ ich dola skaraciłasia na 6 pracentnych punktaŭ.
Dola čarnaskurych pavialičyłasia z 6,2% da 7,6%, a pracent brazilcaŭ ź źmiašanych šlubaŭ vyras z 38,5% da 43,1%.
2 młn brazilcaŭ zajavili, što prezientujuć azijackuju rasu. Kolkaść pradstaŭnikoŭ karennych narodaŭ składaje 817 tysiač čałaviek.
Pa etničnym składzie Brazilija źjaŭlajecca adnoj z najbolš raznastajnych krain na płaniecie.
Pa dadzienych Brazilskaha instytuta hieahrafii i statystyki, 10% najbahaciejšych brazilcaŭ atrymlivajuć 44,5% usich dachodaŭ, tady jak na 10% samych biednych prypadaje tolki 1,1%.
Bolš za pałovu nasielnictva krainy atrymlivaje dachody mienšyja za minimalnuju ustalavanuju zarpłatu. Pry hetym u siarednim, biełyja i brazilcy azijackaha pachodžańnia zarablajuć udvaja bolš čornych i brazilcaŭ ź miašanych siemjaŭ.
Siłaviki ŭzialisia za karystalnikaŭ tvitara — dziasiatki akaŭntaŭ zvyčajnych biełarusaŭ stali «ekstremisckimi»9
Kamientary