Pavodle papiarednich źviestak, u vieraśni abjom zołatavalutnych reziervaŭ Biełarusi ŭ vyznačeńni MVF pavialičyŭsia na 134,9 młn. dalaraŭ i na 1 kastryčnika 2011 h. skłaŭ 4 młrd. 715,8 młn. dalaraŭ u ekvivalencie.
U toj ža čas u paraŭnańni z pačatkam hoda abjom ZVR krainy źmienšyŭsia amal na 315 młn. dalaraŭ (6,7%) z 5 młrd. 30,7 młn. na 1 studzienia 2011 hoda, paviedamiła
Pavieličeńniu zołatavalutnych reziervaŭ spryjała nabyćcio hałoŭnym bankam krainy zamiežnaj valuty na ŭnutranym valutnym rynku, a taksama kanviertacyja nierieziervnych aktyvaŭ u reziervnyja.
Pry hetym u vieraśni Nacbankam i ŭradam Biełarusi byli vykanany ŭ poŭnym abjomie źniešnija i ŭnutranyja abaviazacielstvy ŭ zamiežnaj valucie ŭ sumie kala 188 młn. dalaraŭ u ekvivalencie.
Staršynia praŭleńnia Nacbanka Nadzieja Jermakova, vystupajučy 3 kastryčnika na siesii savieta respubliki, zajaviła, što ZVR nie zabiaśpiečvajuć biazryzykavuju pracu ekanomiki.
«Sioleta ŭ vyniku taho, što pavialičyŭsia popyt na zamiežnuju valutu, źnizilisia zołatavalutnyja reziervy krainy da ryzykoŭnych, krytyčnych pamieraŭ, — skazała Jermakova. — Praktyčna siońnia my nie majem tych zapasaŭ, jakija pavinny być u ekanomicy dla zabieśpiačeńnia biazryzykavaha žyćcia abo dziejnaści ekanomiki».
Pavodle Jermakovaj, zhodna ź mižnarodnymi normami, heta prykładna trochmiesiačny zapas impartu, 12–15 młrd. dalaraŭ. «Takija pavinny być u nas zołatavalutnyja reziervy», — adznačyła jana. «My siońnia majem zapas na 1–2 miesiacy. Ale heta ŭžo taksama niejki plusik, my ich nazapasili za dva miesiacy», — padkreśliła kiraŭnik Nacbanka.
Nahadajem, u žniŭni «Biełaruśkalijem» byŭ atrymany kredyt ad Azierbajdžana ŭ 300 młn. dalaraŭ, jakija byli zaličany ŭ skład ZVR Biełarusi.
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki37
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1818
Kamientary