śpiektaklem «Čaroŭnyja padarunki» ŭ pastanoŭcy režysiora Alaksieja Lalaŭskaha i mastački Ały Hanijodskaj.

Pjesa «Čaroŭnyja padarunki», napisanaja Vitalem Volskim pavodle narodnaj kazki, zrabiłasia pieršym aryhinalnym tvoram dla biełaruskaha lalečnaha teatra. Jana maje bahatuju sceničnuju historyju i pa pravu ličycca kłasikaj nacyjanalnaj dramaturhii. Upieršyniu pastaŭlenaja ŭ 1939 h./ pad nazvaj «Dzied i žoraŭ», hetaja pjesa nikoli nadoŭha nie źnikała z repiertuaru Biełaruskaha dziaržaŭnaha teatra lalek.

Z hetym śpiektaklem teatr šmat hastralavaŭ, udzielničaŭ u prestyžnych mižnarodnych fiestyvalach u Bielhii, Hiermanii, Łatvii, Małdovie, Niderłandach, Polščy, Rasii, Sierbii, Uźbiekistanie, Ukrainie, Francyi, Charvatyi.

Ciapier teatr adnaviŭ pastanoŭku 1986 hoda — i jana atrymała nie tolki novaje dychańnie, ale i novych vykanaŭcaŭ i novuju nazvu. Raniej śpiektakl nazyvaŭsia «Dzied i žoraŭ», a varyjant 2011 hoda atrymaŭ aŭtarskuju nazvu Vitala Volskaha — «Čaroŭnyja padarunki».

U novym siezonie teatr taksama paraduje svaich hledačoŭ novymi pastanoŭkami i imprezami.

Dla maleńkich minčan režysior Alaksandr Januškievič i mastak Valeryj Račkoŭski rychtujuć śpiektakl «Aściarožna: śvińnia» pavodle łatyšskaha dramaturha Chirmanisa Paŭkša. A tvorčy duet Alaksieja Lalaŭskaha i Taćciany Niersisian pradstavić pastanoŭku dla darosłych — «Šoŭk» pavodle našumiełaha ramana Alasandra Baryka. Zaviaršeńnie siezona 2011–2012 budzie admietnaje Biełaruskim mižnarodnym fiestyvalem teatraŭ lalek.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?