U Rasii zatrymali jašče adnaho hienierała — u Minabarony jon adkazvaŭ za rečavaje zabieśpiačeńnie armii
Hienierał-majora Valeryja Mumindžanava padazrajuć u atrymańni chabaru ŭ asabliva bujnym pamiery.
Namieśnik kamandujučaha Leninhradskaj vajskovaj akruhaj hienierał-major Valeryj Mumindžanaŭ zatrymany pa karupcyjnaj spravie.
Śledčy kamitet Rasiei padazraje vajskoŭca ŭ atrymańni chabaru ŭ asabliva bujnym pamiery.
Mumindžanaŭ raniej pracavaŭ na pasadzie kiraŭnika departamienta resursnaha zabieśpiačeńnia Minabarony RF — adkazvaŭ za rečavaje zabieśpiačeńnie rasijskaha vojska. Pa viersii śledstva, hienierał spryjaŭ zaklučeńniu kantraktaŭ z kamiercyjnymi kampanijami na pastaŭku abmundziravańnia ŭ intaresach Minabarony, u tym liku na front, na sumu bolš za 1,5 miljarda rasijskich rubloŭ (16,6 młn dalaraŭ).
Za heta, jak śćviardžaje śledstva, jon atrymaŭ chabar na sumu bolš za 20 miljonaŭ rubloŭ (222 tysiačy dalaraŭ).
Va ŭłasnaści Mumindžanava i členaŭ jaho siamji znajšli šmatlikija abjekty nieruchomaści ŭ Maskvie i Varoniežy koštam bolš za 120 miljonaŭ rubloŭ (1,3 młn dalaraŭ), zakonnaść nabyćcia nieruchomaści praviarajuć siłaviki.
Mumindžanaŭ staŭ užo siomym hienierałam, zatrymanym u Rasii za apošni čas. Siarod zatrymanych raniej — byłyja namieśniki ministra abarony Cimur Ivanoŭ i Pavieł Papoŭ, načalnik Hałoŭnaha ŭpraŭleńnia kadraŭ Minabarony Juryj Kuźniacoŭ, načalnik Hałoŭnaha ŭpraŭleńnia suviazi Minabarony RF Vadzim Šamaryn i były kamandujučy 58-j armijaj Ivan Papoŭ. Ivanova, Kuźniacova i Šamaryna abvinavacili ŭ atrymańni chabaraŭ, Papova — u machlarstvie.
U Rasii zatrymali jašče adnaho namieśnika ministra abarony
U Rasii zatrymali jašče adnaho hienierała ź Minabarony — užo piataha pa liku
U Rasii zatrymali jašče adnaho namieśnika ministra abarony
«Rasija rychtujecca da doŭhaj vajny»: pra što śviedčyć pryznačeńnie Biełavusava
Pucin źniaŭ Šajhu z pasady ministra abarony — i pastaviŭ sakratarom Rady biaśpieki
«Elemient hulni suprać Šajhu». Što havorać palitołahi pra aryšt namieśnika ministra abarony Rasii
Kamientary