Stryžak ździviŭ svaim jarkim kaściumam z Super Mario. Dzie jon jaho ŭziaŭ?
Kiraŭnik fondu «Bajsoł» Andrej Stryžak na niadaŭni biełaruski kirmaš RADA Market u Vilni pryjšoŭ u jarkim kaściumie. Na tkaninie — piersanažy ź viadomaj hulni Super Mario. Andrej raskazaŭ, jak hety kaścium u jaho źjaviŭsia i kolki kaštavaŭ. A taksama patłumačyŭ, čamu źmianiŭ błakitnuju kašulu na taki łuk.
![](http://d3kcf2pe5t7rrb.cloudfront.net/img/w840d4webp1/photos/z_2024_08/4552-sko7z.jpg.webp)
Stryžak raskazvaje, što šmat času pravodzić u fejsbuku i tam časta vyskokvaje dziŭnaja rekłama. Adnojčy jamu trapiłasia rekłama hetaha kaściuma.
«Jasna, što, jak dzieci, što vyraśli ŭ 1990-ja, my hulali ŭ roznyja hulni na «Nintenda». Žartam ja skinuŭ spasyłku na kaścium siabram. A jany padaryli mnie jaho na dzień narodzinaŭ», — dzielicca kiraŭnik «Bajsoła».
Praŭda, z pamieram spačatku nie ŭhadali, daviałosia mianiać.
Kaścium kaštavaŭ kala 90 jeŭra.
![](http://d3kcf2pe5t7rrb.cloudfront.net/img/w732d4webp1/photos/z_2024_08/4547-dfjhy.jpg.webp)
Stryžak tłumačyć, što abraŭ taki vobraz na mierapryjemstva, bo sprabuje źmianiać padychod da hramadska-palityčnych tem, kab pryciahvać uvahu da ich.
«Trešu mienš nie stała. Ale žyćcio praciahvajecca, uvieś čas niemahčyma być u niehatyvie. Niehatyŭ ludzi časta prapuskajuć mima vušej. My nie sprabujem bluźnieryć ci pierakrucić, što niama katavańniaŭ u turmach, ale da ludziej treba šukać roznyja padychody», — razvažaje jon pra svoj jarki kaścium.
Naprykład, na RADA Market kamanda fondu pryniesła taksama rastavuju kačku i basiejn z šarykami. Stryžak dadaje, što taki padychod praz pazityŭ dobra ŭpłyvaje i na danaty.
![](http://d3kcf2pe5t7rrb.cloudfront.net/img/w732d4webp1/photos/z_2024_08/45253_n-x632g.jpg.webp)
Kamientary