ZŠA vyrašyli nie davać Hruzii abiacanyja $95 miljonaŭ. Heta cana antydemakratyčnych dziejańniaŭ
Administracyja ZŠA zatrymaje pieravod pryznačanaj Tbilisi finansavaj dapamohi sumaj 95 młn dalaraŭ, raniej užo zaćvierdžanaj Kanhresam. Pra heta havorycca ŭ paviedamleńni, apublikavanym na sajcie Dziaržaŭnaha departamienta ZŠA za podpisam jaho kiraŭnika Entani Blinkiena.
«23 maja, paśla antydemakratyčnych krokaŭ hruzinskich uładaŭ, ja abjaviŭ pra poŭny, usioachopny pierahlad dvuchbakovaha supracoŭnictva pamiž Hruzijaj i Złučanymi Štatami, — nahadaŭ Blinkien. — U vyniku hetaha pierahladu Złučanyja Štaty zamarožvajuć [pieravod] $95 młn dalaraŭ, jakija niepasredna hrajuć na ruku ŭradu Hruzii».
«Antydemakratyčnyja dziejańni i chłuślivyja śćviardžeńni hruzinskaha ŭrada niesumiaščalnyja z normami siabroŭstva ŭ NATA i Jeŭrapiejskim Sajuzie», — papiaredziŭ dziaržsakratar ZŠA.
U toj ža čas jon udakładniŭ, što hetaja pastanova nie adabjecca na inšych prahramach amierykanskaj zamiežnaj dapamohi — u tym liku i tych, «jakija prynosiać karyść narodu Hruzii šlacham umacavańnia demakratyi, viaršenstva zakona, niezaležnych ŚMI i ekanamičnaha rostu».
Usiaho za try ź lišnim dziesiacihodździ dvuchbakovych adnosin — z momantu vychadu Hruzii sa składu SSSR — Złučanyja Štaty akazali Tbilisi dapamohu samaha roznaha rodu na ahulnuju sumu bolš za $6,2 młrd. U pryvatnaści, hetyja srodki pajšli na zabieśpiačeńnie i navučańnie hruzinskaj armii i bierahavoj achovy, a taksama budaŭnictva škoł, balnic, padrychtoŭku nastaŭnikaŭ, daktaroŭ i administrataraŭ.
Śpikier parłamienta Hruzii padpisaŭ zakon ab zamiežnych ahientach. Z hetaha dnia jon nabyvaje moc
Čatyry krainy ES prapanavali admianić biaźvizavy režym z Hruzijaj, kali Tbilisi prymie zakon ab zamiežnych ahientach
«Vajna pakazała, što na baku Zachadu staić mienšaść. A Armieniju Rasija tak prosta nie pakinie»
Narod pad bieła-čyrvona-biełym ściaham, jaki niadaŭna pieražyŭ hienacyd. Chto takija jezidy?
«Tania, my z taboj!» Ułady zapuścili fłešmob u padtrymku žančyny ŭ čyrvona-zialonym VIDEA19
Kamientary