Za tydzień płatnuju pryščepku suprać hrypu A (H1N1) u Minsku zrabili krychu bolš jak 300 čałaviek.
Za minuły tydzień płatnuju vakcynacyju suprać pandemičnaha hrypu A (H1N1) u Minsku prajšli krychu bolš jak 300 čałaviek.
Jak paviedamiła zahadčyca adździaleńnia imunaprafiłaktyki Minskaha haradskoha centra hihijeny i epidemijałohii Iryna Hlinskaja, z pačatku vakcynacyi (1 lutaha) mnohija minčanie telefanavali ŭ lačebnyja ŭstanovy i cikavilisia pryščepkami suprać hrypu A (H1N1), adnak u palikliniki źviarnułasia kala 300 čałaviek.
«Dla mianie heta zahadka, čamu ludzi nie dachodziać da paliklinik, — skazała Hlinskaja. — U pryncypie, cikavaść jość. Ludzi sapraŭdy razumiejuć, što jašče adzin uzdym zachvorvańnia budzie, i ŭ hety čas taksama budzie cyrkulavać mienavita hety vysokapatahienny hryp A (H1N1)».
Śpiecyjalist nahadała, što ŭsiaho dla płatnaj vakcynacyi minčan zakuplena 5 tys. doz vakcyny «Monahrypał plus» rasijskaj vytvorčaści.
Pavodle jaje słoŭ, vakcyna adnosicca «da apošniaha pakaleńnia hrypoznych vakcyn i dobra pieranosicca».
Košt pryščepki składaje 30 tys. rubloŭ.
Pavodle słoŭ Hlinskaj, heta cana «nie vielmi nizkaja, ale i nie vielmi vysokaja»: siezonnyja vakcyny suprać hrypu mohuć kaštavać daražej.
Śpiecyjalist spadziajecca, što na hetym tydni pryščepku suprać hrypu A (H1N1) atrymaje bolšaja kolkaść minčan.
Pryščepki robiać va ŭsich darosłych paliklinikach i ŭ šerahu dziciačych:
u 10‑j Zavodskaha rajona, 25‑j Frunzienskaha rajona, haradskim centry vakcynaprafiłaktyki na bazie dziciačaj infiekcyjnaj balnicy. Dla atrymańnia pryščepki śpiecyjalisty rekamiendujuć papiarednie zapisacca pa telefonie.
Vakcyna ŭvodzicca ŭ vyhladzie injekcyi adnarazova darosłym i dzieciam, jakim bolš za šeść hadoŭ. Dzieciam ad troch da šaści hadoŭ vakcyna ŭvodzicca dvuchrazova ź intervałam u miesiac.
Imunitet suprać hrypu A (H1N1) vypracoŭvajecca praz 14—18 dzion paśla vakcynacyi.
Kamientary