Jeŭrasajuz spyniaje zakupki mebli ź Biełarusi. Takim čynam Minsk pazbavicca €112 młn čakanaj vyručki za hod, paviedamlaje Biełaruski rasśledavalnicki centr sa spasyłkaj na Earthsight.
![](http://d3kcf2pe5t7rrb.cloudfront.net/img/w840d4webp1/photos/z_2024_07/meblia240716-ik953.jpg.webp)
Rašeńnie, apublikavanaje ŭ kancy červienia, u pryvatnaści, zabaraniaje impart mebli, jakaja padpadaje pad mytnyja kody 9401 i 9403, jakija ŭklučany ŭ pašyrany pieralik tavaraŭ, jakija dazvalajuć Biełarusi dyviersifikavać svaje krynicy dachodaŭ, tym samym robiačy mahčymym jaje ŭdzieł u rasijskaj ahresii suprać Ukrainy.
Hety krok prypyniaje zakupki ES biełaruskaj draŭlanaj mebli na sumu bolš za 112 miljonaŭ na hod. U apošnija miesiacy asnoŭnymi punktami ŭvozu hetaj pradukcyi byli Hiermanija i Polšča, za jakimi išli Litva i Rumynija.
Z pačatku vajny va Ukrainie ES impartavaŭ biełaruskaj mebli na sumu kala 250 miljonaŭ jeŭra.
Raniej sioleta pravaabaroncy, členy Jeŭraparłamienta i byłyja palitviaźni Biełarusi zaklikali Lasnuju apiakunčuju radu rasśledavać, jak mebla ź biełaruskich turmaŭ atrymała jaje ŭchvaleńnie, piša BRC.
Siertyfikat FSC — heta kankurentnaja pieravaha dla kampanij na rynku ES. Mnohija spažyŭcy addajuć pieravahu pradukcyju z markiroŭkaj FSC, bo jana harantuje, što materyjały zdabyty ŭstojlivymi i zakonnymi mietadami.
Niahledziačy na masavyja represii, FSC praciahvaŭ vydavać siertyfikaty papraŭčym kałonijam u Biełarusi i ŭ 2020 hodzie.
BRC znajšoŭ vosiem takich kałonij. Jany pradavali meblu i inšuju pradukcyju, jakuju vyrablali źniavolenyja, u tym liku asudžanyja pa palityčnych artykułach. Siertyfikaty ŭ ich adklikali tolki ŭ 2021-m.
Na sajcie dziaržaŭnaha pradpryjemstva «№5» (papraŭčaja kałonija ŭ Ivacevičach) da hetaha času paznačana, što jany pastaŭlajuć meblu ŭ krainy ES.
Zhodna z rezalucyi ES, novaja zabarona nie budzie prymianiacca da 2 kastryčnika 2024 h. dla kantraktaŭ, zaklučanych da 1 lipienia hetaha hoda.
Kamientary