Iryna Leščanka abviaściła pra heta na mierapryjemstvie, pryśviečanym padviadzieńniu vynikaŭ minułaha bijatłonnaha siezona.
Uradženka biełaruskaha horada Sianno za svaju karjeru trojčy zavajoŭvała bronzu čempijanatu Jeŭropy, pa adnym razie stanaviłasia pieramožcam i siarebranym pryzioram, nahadvaje sport5.by
Iryna Kryŭko (dziavočaje proźvišča spartsmienki) piać razoŭ padymałasia na pjedestały Kubkaŭ śvietu: čatyry razy stanaviłasia siarebranym pryzioram z składzie estafiety i adzin raz — u asabistaj honcy. Sierabro Kubka śvietu ŭ Ansi Kryŭko pryniesła honka z masavym startam.
Hałoŭnym ža dasiahnieńniem bijatłanistki źjaŭlajecca zołata ŭ estafiecie na Alimpijskich hulniach u karejskim Pchiončchanie-2018
U krasaviku 2024 hoda Iryna zadavałasia pytańniem, ci varta praciahvać karjeru, kali niama mižnarodnych spabornictvaŭ.
Paśla poŭnamaštabnaha ŭvarvańnia va Ukrainu biełaruskija i rasijskija bijatłanisty adchilenyja ad mižnarodnych spabornictvaŭ i spaborničajuć na roznych biełaruska-rasijskich turnirach pamiž saboj.
«Kali my ŭdzielničali na etapach Kubka śvietu, heta było značna cikaviej. Stajali niejkija mety…
Pamiataju, my rychtavalisia da Alimpijady 2018-ha hoda… Usio, ty prosta skancentravanaja była na hetym, ty viedała, dziela čaho vychodziš na zaradku, na pieršuju, druhuju, treciuju, čaćviortuju, piatuju treniroŭku…
Potym była nastupnaja Alimpijada, ty taksama viedała, da čaho idzieš… Dalej ja pajšła ŭ dekret, Ania Soła pajšła ŭ dekret.
My viarnulisia na Kubak Rasii, nu, a što dalej? A jakija mety? Mnohija maładyja spartsmieny nie znachodziać matyvacyju. Tak, jość niejkija pryzavyja, mahčymaść zarabić. Heta taksama peŭnaja matyvacyja, ale ŭsio adno nie niejkaja hłabalnaja meta, jakaja stajała pierad taboj raniej. I, adpaviedna, ty dumaješ, što dzieści mienš uvahi nadasi dziciaci. A dziela čaho?
Pastajanna adsutničaješ doma, usio adno byvajuć momanty, što ty nie možaš dačku z saboj uziać. Tamu pavinna być meta».«Mianie paprasili źlotać na mora, adpačyć i padumać — nie rabić niejkich śpiešnych vysnoŭ. Ja prysłuchajusia. Na adpačynku abmiarkuju i potym užo prymiem niejkaje rašeńnie», — skazała Iryna Leščanka.
«Ja trochi nie razumieju, dziela čaho?» Alimpijskaja čempijonka pa bijatłonie zadumałasia pra zaviaršeńnie karjery
Domračava i Skardzina dałučylisia da čelendžu, kab sabrać hrošy na reabilitacyju dački Arzamasavaj
Pazaŭčora katałasia na łyžach, a ŭčora naradziła. Jašče adna bijatłanistka sa zbornaj Biełarusi stała mamaj
Kamientary