Pazaŭčora katałasia na łyžach, a ŭčora naradziła. Jašče adna bijatłanistka sa zbornaj Biełarusi stała mamaj
Bijatłanistka Iryna Šakleina (u dziavoctvie Kručynkina) naradziła ŭčora dačku. Pra heta spartsmienka raspaviała ŭ svaim instahramie. Dziaŭčyncy ŭžo dali imia — Kira, piša «Lusterka».
«Idealnaja naša dziaŭčynka, davała treniravacca da apošniaha dnia. Ja navat i nie zaŭvažyła ciažarnaść, usio prajšło lohka i chutka», — napisała Iryna.
Pa słovach Šakleinaj, jašče 26 sakavika jana katałasia na łyžach, a na nastupny dzień pajechała ŭ radzilniu. Vaha dziciaci, miarkujučy pa apublikavanym fota, — amal 3 kh, rost — 50 sm.
Irynie 28 sakavika spoŭniłasia 29 hadoŭ. Jana ŭradženka Mardovii. Razam ź siastroj Alenaj Kručynkina stała vystupać za zbornuju Biełarusi ź siezona-2018/19. Jana nie trapiła ŭ alimpijski skład na hulni 2022 hoda ŭ Piekinie. Najlepšy vynik Iryny ŭ indyvidualnych dyscyplinach — 22-je miesca ŭ spryncie na čempijanacie śvietu ŭ 2019 hodzie. Alena Kručynkina viarnułasia ŭ Rasiju letam 2023 hoda, a Iryna zastałasia ŭ zbornaj Biełarusi.
Da Šakleinaj u dekretnym adpačynku pabyvali Hanna Soła i Iryna Leščanka (u dziavoctvie Kryŭko), jakija naradzili ŭ śniežni 2022 hoda, a taksama Dzinara Smolskaja (Alimbiekava), jakaja stała mamaj u vieraśni 2023-ha.
Paśla pačatku poŭnamaštabnaj vajny va Ukrainie biełaruskija bijatłanisty adchilenyja ad mižnarodnych startaŭ. Ciapier jany spaborničajuć pamiž saboj abo z rasijanami.
Biełaruskija śpiecsłužby kupili na imia Ramana Pratasieviča dva aŭtamabili ŭ Polščy — «Hazieta Vyborča»4
Kamientary