U pieršym paŭhodździ 2024 hoda Minsk zaniaŭ 122 miesca ŭ rejtynhu haradoŭ pa jakaści žyćcia ad partała Numbeo. Hety partał farmuje rejtynhi na asnovie apytańniaŭ karystalnikaŭ sajta za apošnija 36 miesiacaŭ, piša Thinktanks.com.
![](http://nnexpictures.fra1.digitaloceanspaces.com/img/w732d4webp1/photos/stock/minsk_view_7001-v95eo.jpg.webp)
Indeks haradoŭ pa jakaści žyćcia śpiecyjalisty składali, uličvajučy vosiem pakazčykaŭ: indeks pakupnickaj zdolnaści, košt nieruchomaści adnosna dachodaŭ nasielnictva, indeks biaśpieki, achovy zdaroŭja, košt žyćcia, indeks trafiku transpartu, zabrudžvańnie i klimat.
Pavodle abnoŭlenych źviestak, Minsk nabraŭ 130 bałaŭ u indeksie jakaści žyćcia. U 2023 hodzie Minsku było prysvojena 116 bałaŭ.
![](http://nnexpictures.fra1.digitaloceanspaces.com/img/w732d4webp1/photos/z_2024_07/screenshot-at-jul-02-15-25-14-me3c5.png.webp)
U 2024 hodzie stalica Biełarusi apynułasia na adnym uzroŭni pa jakaści žyćcia z ukrainskim Lvovam. Bolš za ŭsio Minsk nabraŭ bałaŭ u katehoryi «Zabrudžvańnie i klimat», mienš za ŭsio — «Pakupnickaja zdolnaść».
Na pieršym miescy ŭ rejtynhu apynuŭsia horad Haaha ŭ Niderłandach, na druhim — Luksiemburh, na trecim — niderłandski Ejndchovien.
Biełaruś i Minsk patrapili ŭ suśvietny rejtynh koštaŭ na kvatery. Na jakich miescach?
Minsk uvajšoŭ u trojku samych kryminalizavanych haradoŭ Uschodniaj Jeŭropy
U Biełarusi samaje tannaje taksi ŭ Jeŭropie
Minsk uvajšoŭ u top samych tannych dla žyćcia haradoŭ Jeŭropy
Biełaruś uvajšła ŭ top-5 krain z najmienšymi cenami na jabłyki
Kamientary