Amierykanskaha repiera zastrelili na jahonym dni naradžeńnia na 27-m hodzie žyćcia
U Chulia Fulia amal miljon štomiesiačnych słuchačoŭ na Spotify, jaho samy papularny trek pa kolkaści prasłuchoŭvańniaŭ nazyvajecca Voo Doo (9,3 młn na jutubie).
Amierykanski rep-vykanaŭca Chulia Fulia byŭ zabity padčas pierastrełki, jakaja adbyłasia na parkoŭcy hatela ŭ Tampie, štat Fłaryda, u niadzielu. Pra heta paviedamiŭ jahony advakat i paźniej asobu zahinułaha paćvierdzili ŭ palicyi, piša Bi-bi-si.
Pa danych palicyi, ranieńni padčas incydentu atrymali čatyry čałavieki. Adzin čałaviek zahinuŭ, i, jak miarkujuć, heta byŭ Fulia.
U Fulia amal miljon štomiesiačnych słuchačoŭ na Spotify, jaho samy papularny trek pa kolkaści prasłuchoŭvańniaŭ nazyvajecca Voo Doo.
26-hadovy zahinuły, čyjo sapraŭdnaje imia Čarlz Džons, byŭ apaznany ŭ zajavie jurydyčnaj firmy, jakaja pradstaŭlała jaho intaresy. Pa słovach advakata Łuisa Fuska, u momant incydentu Fulia adznačaŭ svoj dzień naradžeńnia.
Na muzyku «mierkavana zrabilii zasadu» na parkoŭcy hatela, havorycca ŭ zajavie Łuisa Fuska.
Raniej repier byŭ vymušany pierabracca ŭ inšaje miesca paśla taho, jak administracyja paprasili jaho pakinuć hatel Airbnb z-za taho, što jon i jaho hości pieravysili dapuščalnuju kolkaść pastajalcaŭ.
Repier publikavaŭ pasty ab chodzie śviatkavańnia ŭ svaim akaŭncie ŭ Instahramie, napisaŭšy ŭ niejki momant, što palicyja «prykryła viečarynku».
Pa danych palicyi, u vyniku stralby, jakaja adbyłasia kala 04:40 pa miascovym časie, byli paškodžanyja dźvie mašyny. Troje paciarpiełych byli dastaŭleny ŭ balnicu, dzie ich stan acharaktaryzavany jak stabilny.
U krasaviku Chulia Fulia napisaŭ u siabie ŭ Instahramie, što apošnija miesiacy byli «trahičnymi», spasłaŭšysia na «šmatlikija zamachi» na jaho žyćcio.
Pa danych miascovych ŚMI, repier adkryta kazaŭ ab svajoj prynaležnaści da bandy.
***
Kłub 27 — ahulnaja nazva upłyvovych muzykantaŭ, jakija pamierli va ŭzroście 27 hadoŭ, časam pry dziŭnych abstavinach. Heta Robiert Džonsan, Džymi Chiendryks, Džym Morysan. Dženis Džoplin, Brajan Džons, Kurt Kabejn, Emi Uajnchaŭs dy inš.
Siastra Kaleśnikavaj prapanavała ŭ Bruseli try kroki, jakija treba zrabić dla vyzvaleńnia palitviaźniaŭ23
Kamientary