U Polščy źnikła biełaruska, asudžanaja za špijanaž na karyść Rasii
Troje dyviersantaŭ, jakija dziejničali ŭ intaresach rasiejskich słužbaŭ, paźbiahajuć adbyvańnia pakarańnia, piša Rzeczpospolita. Jany źnikli.
U śniežni 2023 hoda ŭ Polščy byŭ vyniesieny prysud 14 inšaziemcam za ŭdzieł u padrychtoŭcy dyviersij i špijanažy na karyść Rasii.
Usiaho abvinavačanych było 16 — 13 ukraincaŭ, dvoje biełarusaŭ i adzin rasiejec. Ale dvoje nie pryznali siabie vinavatymi — sud nad imi praciahvajecca. Bolšaść čalcoŭ špijonskaj sietki byli zavierbavanyja va Ukrainie — jany prybyli ŭ Polšču jak uciekačy.
Siarod 16 abvinavačanych było troje biełarusaŭ — 18-hadovaja Maryja Miadźviedzieva, jaje chłopiec — 28-hadovy Uładzisłaŭ Paśmiciucha i 41-hadovy Mikałaj Maskalenka.
Maryja atrymała 1 hod i 1 miesiac turmy. Sud nad Paśmiciucham praciahvajecca.
Jak piša Rzeczpospolita, paśla abviaščeńnia prysudu i vyzvaleńnia z-pad varty Maryja źnikła. Jana padała zajavu na ŭmoŭna-daterminovaje vyzvaleńnie, ale nie pryjšła ŭ varšaŭski sud, jaki musiŭ pryniać rašeńnie. Sud pastaviŭ zatrymać jaje i adpravić u turmu. Ale jana źnikła.
U sakaviku minułaha hoda polskija ŭłady zajavili ab vyjaŭleńni rasijskaj špijonskaj sietki.
Polskija śpiecsłužby zatrymali inšaziemcaŭ u suviazi z vyjaŭleńniem schavanych kamier na važnych maršrutach i čyhunačnych vuzłach, jakija fiksavali ruch na šlachach i pieradavali vyjavy ŭ sietku.
Havorka išła najpierš pra ŭčastki čyhunačnych šlachoŭ u Padkarpackim vajavodstvie — u pryvatnaści, kala aeraporta ŭ Jasioncy niepadalok ad Žešuva. Hety aeraport — hałoŭny tranzitny punkt dla pastavak zachodniaj zbroi i bojeprypasaŭ dla Ukrainy. Kamiery taksama byli ŭstalavanyja ŭ inšych častkach Polščy.
Bolš padrabiazna pra spravu čytajcie tut.
Prapahanda spačatku ich abialała, a paśla źmianiła ton. Što viadoma pra zatrymanych u Polščy biełarusaŭ, jakich vinavaciać u špijanažy na karyść Rasii
Łukašenka zajaviŭ, što Zachad prapanoŭvaŭ jamu abmianiać biełarusaŭ, zatrymanych u Polščy za špijanaž na karyść Rasii
Prarasijskich biełarusaŭ, zatrymanych u Polščy, padazrajuć u namiery padryvać ciahniki
«Prosta zalivaješsia ślaźmi i dumaješ: za što?» Iryna Ščasnaja i jaje čatyry balučyja hady za kratami7
Kamientary