Tusk: Pryciahnieńnie ŭ Polšču biełaruskich i rasijskich ajcišnikaŭ dapamahło stvaryć «zamiežnuju ahienturu»
Premjer-ministr Polščy raskrytykavaŭ mihracyjnuju palityku minułaha ŭrada.
Pra heta polski palityk napisaŭ u svaim u tvitary.
«Takim čynam, jašče raz. Jany [papiaredni ŭrad] uvozili sotni tysiač mihrantaŭ z Azii i Afryki (adnačasova zarablajučy na vizach), a taksama rasijskich i biełaruskich ajcišnikaŭ, dapamahajučy budavać zamiežnuju ahienturu. Jany chočuć prykryć heta rasisckaj prapahandaj. Jany raźličvajuć na karotkuju pamiać i siłu svajho kryku», — napisaŭ Tusk.
Jak nahadvaje «Lusterka», 26 studzienia stała viadoma, što biełarusy bolš nie zmohuć atrymać polskija vizy Poland. Business Harbour. Rašeńnie ab prypynieńni ŭdziełu MZS Polščy ŭ prahramie pryniaŭ ministr Radasłaŭ Sikorski. Dypłamatyčnaje viedamstva zajaviła, što prahrama nie budzie adnoŭlena «da taho času, pakul nie buduć pryniaty rašeńni pa zabieśpiačeńni naležnaj pravierki kampanij i zamiežnikaŭ, jakija źjaŭlajucca jaje bienieficyjarami».
«Pavodle acenki Ministerstva zamiežnych spraŭ, prahrama Poland. Business Harbour nie apraŭdała ŭskładzienych na jaje nadziej. Siarod inšaha, u hramadskaj prastory byli vykazany piarečańni praz vykarystańnie viz, vydadzienych u ramkach prahramy, z metami, niesumiaščalnymi ź jaje ŭmovami», — havorycca ŭ paviedamleńni.
U pieršym paŭhodździ 2023 hoda pa prahramie PBH u Polšču ŭjechali 1243 zamiežniki, a ŭ druhoj pałovie minułaha hoda — 1185. Usiaho ž z pačatku dziejańnia prahramy ŭ krainu rełacyravalisia 13,5 tysiačy. Pry hetym ahulnaja kolkaść takich viz skłała kala 100 tysiač.
Prahrama Poland. Business Harbour pieršapačatkova była stvoranaja ŭ 2020 hodzie dla hramadzian Biełarusi — ajcišnikaŭ i ichnich siemjaŭ, jakim davała šerah ilhot. Praz hod jaje dziejańnie było pašyrana na hramadzian Ukrainy, Hruzii, Małdovy, Armienii, Rasii i inšych krain — usiaho ich 44.
Adnak pieravažnaja bolšaść uładalnikaŭ IT-viz — usio roŭna biełarusy: pa acency polskich palitykaŭ, takich kala 65 tysiač čałaviek.
@nashaniva Polskija fiermiery raźlili śviny hnoj na miažy ź Biełaruśsiu. Navošta? #biełaruś #našaniva #hranica #pohraničnik #fiermiery ♬ Comedy Scenes - Comical, stupid, odd, lovely (Drumless)(1441321) - Ponetto
U Polščy praviarajuć suviaź zatrymanych pa abvinavačańni ŭ padpałach biełarusaŭ ź vizavaj prahramaj Poland. Business Harbour
Biełarus arhanizavaŭ nielehalnuju mihracyju ŭ Polšču jak minimum 2000 čałaviek
Ci źmienicca situacyja ź vizami i jak jašče možna budzie karać siłavikoŭ, što zapeckalisia katavańniami — raskazvaje Łatuška
U Polščy praviarajuć kampanii, jakija pryciahvali biełarusaŭ pa prahramie Poland. Business Harbour. Pieršyja vyniki šakujuć
Kamientary