Pasolstva Biełarusi ŭ Łondanie zavinavaciłasia kampanii Transport for London 734 185 funtaŭ sterlinhaŭ — kala 937 tys. dołaraŭ — za prajezd aŭtamabilaŭ u płatnuju zonu brytanskaj stalicy. 

U śpisie anałahičnych daŭžnikoŭ — dyppradstaŭnictvy 161 krainy, jakija ahułam vinny amal 150 młn funtaŭ, piša The Daily Mail.

Sprava ŭ tym, što ŭ 2003 hodzie łondanskaja meryja dla baraćby z probkami i zabrudžvańniem pavietra ŭviała płatu za prajezd aŭtamabilaŭ u centr Łondana. Pieršapačatkova taryf składaŭ 5 funtaŭ, da 2020 hoda jon vyras da 15 funtaŭ — hety taryf dziejničaje da hetaha času.

Jak akazałasia, uvieś hety čas dypłamaty bolšaści krain ihnaravali praviły i prosta nie płacili za prajezd u centr — tak i nazapasiŭsia vializny ahulny doŭh.

Samym vialikim daŭžnikom stała pasolstva ZŠA — jano zavinavaciłasia bolš za 14,5 młn funtaŭ. U trojcy lidaraŭ taksama pasolstva Japonii (10 młn) i ŭpraŭleńnie Viarchoŭnaha kamisara Indyi (8,5 młn). Siarod najbujniejšych daŭžnikoŭ taksama pasolstvy Nihieryi, Kitaja, Rasii, Polščy, Hany, Kazachstana i Hiermanii.

Biełaruś raźmiaščajecca na 40-m miescy. 

Dypłamaty śćviardžajuć, što jany nie pavinny byli płacić za ŭjezd u centr Łondana, pakolki pa Vienskaj kanviencyi dyppradstaŭnictvy vyzvalajucca ad padatkaŭ u krainie znachodžańnia.

Adnak u Transport for London zajaŭlajuć, što heta nie padatak, a płata za pasłuhu, tamu płacić dypłamaty abaviazany.

Ciapier kampanija, jakaja surjozna paciarpieła padčas pandemii i atrymlivaje dziaržaŭnyja subsidyi, źbirajecca źviarnucca ŭ Mižnarodny sud AAN i spahnać uvieś doŭh.

Čytajcie taksama:

Pa ŭsim śviecie płanujuć pravieści Hłabalnuju estafietu salidarnaści ź Biełaruśsiu. Što heta budzie?

Šviecyja spraściła pracedury lehalizacyi i źmianiła acenku Biełarusi

«Słužboviec ni słova nie skazaŭ». Vyjaŭleny jašče vypadak pieradačy źviestak u pasolstva Biełarusi ŭ Polščy

Клас
0
Панылы сорам
2
Ха-ха
6
Ого
0
Сумна
0
Абуральна
1