Va ŭsich biełarusaŭ, jakija žyvuć u Litvie, adklikali dazvoły na zbroju
Paŭtara hady tamu Siejm Litvy zabaraniŭ hramadzianam Biełarusi i Rasii, jakija žyvuć u krainie, zachoŭvać zbroju. Z tych časoŭ usie vydadzienyja dazvoły byli pastupova anulavanyja. Na momant pryniaćcia zakona ŭ kancy 2022 hoda dazvołam na zbroju vałodali 294 hramadzianina Rasii i 46 hramadzian Biełarusi, piša LRT.
«Zastalisia dva čałavieki, zbroja jakich dahetul nie znojdziena. Z hetymi asobami źviazalisia, ale ciapier jany nie znachodziacca ŭ Litvie. Kali jany viernucca ŭ Litvu, zbroju zabiaruć», — zajavili ŭ Departamiencie palicyi.
Pavodle zakona, biełarusy i rasijanie abaviazanyja byli pradać abo zdać svaju zbroju na praciahu hoda z daty ŭstupleńnia zakona ŭ siłu, heta značyć z 1 krasavika 2023 hoda.
U pačatku 2024-ha ŭsich biełarusaŭ i rasijan, u jakich jość zbroja, piśmova prainfarmavali pra nieabchodnaść zdać abo pradać jaje da 1 krasavika. Bolšaść vykanali patrabavańnie ŭładaŭ, u astatnich zbroju zabrali paśla 1 krasavika.
«Zbroja nie była kanfiskavanaja. Bolšaja častka zbroi ŭžo pradadzienaja. Niekatoryja z uzoraŭ pieradajucca ŭ zbrojevyja kramy na kamisijny prodaž. Nievialikaja kolkaść zbroi časova zachoŭvajecca ŭ palicyi», — raskazali litoŭskija siłaviki.
Inicyjataram zakona byŭ ciapierašni ministr abarony, a tady kiraŭnik kamiteta pa nacbiaśpiecy Łaŭrynas Kaščunas. Palityk zajaŭlaŭ, što papraŭka da Zakona ab kantroli nad zbrojaj i bojeprypasami dazvolić praduchilić farmavańnie i dziejnaść dyviersijnych hrup na karyść varožych dziaržaŭ.
Daradca prezidenta Litvy prapanavaŭ skaracić patoki biełarusaŭ, što pryjazdžajuć u krainu
Litva zajaviła padtrymku biełaruskaj hramadzianskaj supolnaści adnym z pryjarytetaŭ svajho staršynstva ŭ Radzie Jeŭropy
Litva nie źbirajecca zakryvać jašče adzin punkt propusku na miažy ź Biełaruśsiu
U biełarusa, jaki nahavaryŭ usiakaha na Litvu, zabrali dazvoł na žycharstva
Vializnaja chvala zatrymańniaŭ — stała zrazumieła, na kaho hetym razam palavali KDB i HUBAZiK1
Kamientary