Aŭto33

Staryja aŭto ŭ Biełarusi časam kaštujuć u 4 razy daražej, čym u Litvie

Heta spryjaje rostu nielehalnych schiem ich uvozu.

Ilustracyjny zdymak. Fota: «Naša Niva»

Popyt jość — ceny rastuć

Aŭtamabili koštam kala 5000 tysiač dalaraŭ karystajucca vialikaj papularnaściu, bo dazvolić sabie bolš darahija mnohija nie mohuć. Tym ža, chto maje taki biudžet, davodzicca vybirać siarod mašyn, vypuščanych u kancy dzievianostych — pačatku nulavych.

Asabliva ceniacca miniveny. Tak, naprykład, VW Sharan pieršaha pakaleńnia apošnich hadoŭ vypusku (1998-1999) pradajuć pa cenach ad 4 tysiač dalaraŭ. Stolki prosiać za mašyny, jakija patrabujuć układańniaŭ jašče na etapie prahladu abjavy.

Fota: skrynšot z sajta av.by

Za varyjanty, jakija prynamsi vizualna znachodziacca ŭ bolš-mienš hodnym stanie, prosiać ad 5 da 6 tysiač dalaraŭ. I heta za mašyny, jakim pa 25-26 hadoŭ.

U Litvie amal u čatyry razy tańniej

Anałahičnaja situacyja i ź minivenami Opel Zafira. Za bienzinavyja varyjanty 1999 hoda vypusku, jakija patrabujuć pieravarki i pierafarboŭki, prosiać ad 3200 dalaraŭ. Ceny na bolš-mienš hodnyja varyjanty pačynajucca z $4500.

Fota: skrynšot z sajta av.by

Restajlinhavyja Opel Zafira 2004-2005 hadoŭ vypusku, pradajuć pa cenach ad 5 tysiač da 7 tysiač dalaraŭ.

Admietna, što ŭ Litvie ceny na Opel Zafira A pačynajucca z 500 jeŭra za mašyny ź vidavočnymi kuzaŭnymi defiektami. Bolšaść Zafir pieršaha pakaleńnia tam pradajuć pa cenach ad 800 da 1200 jeŭra. 

Fota: skrynšot z sajta autoplius.lt

Za samyja darahija prosiać pa 1500-1700 jeŭra. I kali Opel Zafira pieršaha pakaleńnia ŭ Litvie pradajecca adnosna šmat, bo mašyna vypuskałasia z 1999 pa 2005 hod, to VW Sharan pieršaha pakaleńnia ŭ prodažy ŭ Litvie amal nie zastałosia, pakolki ich nie vypuskajuć užo čverć stahodździa. Za redkija ekzemplary VW Sharan z kanca dzievianostych, jakija dažyli da našych časoŭ, prosiać ad 800 da 1800 jeŭra.

Inšy papularny ŭ narodzie aŭtamabil — Opel Astra G. Za 20-hadovyja lehkavuški z prablemami pa kuzavie ŭ Biełarusi prosiać ad 3200 dalaraŭ. Aŭtamabili ŭ dobrym vizualnym stanie pradajuć za 4500-5000 dalaraŭ.

Fota: skrynšot z sajta av.by

U Litvie 20-hadovyja Opel Astra G pradajuć za 700-1200 jeŭra.

Pryčym litoŭski Opel za 690 jeŭra prynamsi vizualna vyhladaje značna lepš za tyja, što ŭ nas pradajuć za try tysiačy dalaraŭ i bolš.

Śpis 20-hadovych mašyn, jakija ŭ Biełarusi kaštujuć u niekalki razoŭ daražej, čym u Jeŭrasajuzie, možna praciahvać biaskonca. Aproč 20-25 hadovych aŭto za 4000-6000 dalaraŭ, u Biełarusi dahetul masava pradajuć i kuplajuć i bolš staryja varyjanty. Čaho tolki varty VW Passat B4.

Fota: skrynšot z sajta av.by

Dyzielnyja V4 u kuzavie ŭniviersał u nas i ciapier pradajuć pa 2000-3500 dalaraŭ u zaležnaści ad stanu, a heta, na chvilinačku, mašyny, jakim kala 30 hadoŭ.

Admietna, što ŭzrostavyja aŭto ŭ Biełarusi nie tolki nie tańniejuć z hadami, ale i daražejuć. Asabliva adčuvalna heta nazirajecca ŭ samym tannym siehmiencie. Mašyny, jakija da vajny kaštavali kala 2000 dalaraŭ, siońnia pradajucca za 3000. I ich kuplajuć, hałoŭnaje, kab stan byŭ adpaviedny.

Pabočny efiekt ad vysokich cen

Na fonie taho, što staryja mašyny ŭ Biełarusi kaštujuć u niekalki razoŭ daražej, čym u ES, aktyvizujucca nielehalnyja schiemy ich uvozu ŭ krainu. 

Tolki ŭ krasaviku biełaruskija mytniki dvojčy spravazdačylisia pra spynieńnie dziejnaści dvuch hrup działkoŭ, jakija ŭvozili ŭ Biełaruś uzrostavyja aŭtamabili nielehalnym čynam. 

Admietna, što ŭ abodvuch vypadkach niezakonna ŭvozilisia aŭtamabili, jakija byli vypuščanyja jašče ŭ dvuchtysiačnych.

Pa jakich schiemach nierazmytnienyja mašyny traplajuć u Biełaruś?

Uzrostavyja mašyny ź Jeŭropy ŭ Biełaruś biez apłaty mytnych pošlin uvoziać pa niekalkich schiemach: Pieršaja patrabuje ŭdziełu hramadzianina ES. Jon musić zakonna zajechać u Biełaruś na zarehistravanym u Jeŭropie aŭto. Na miažy kiroŭca afarmlaje časovy ŭvoz na aŭto, ale paśla pakidaje jaho ŭ Biełarusi, a sam viartajecca damoŭ i bolš nikoli nie jeździć u Biełaruś.

Jašče adzin mahčymy varyjant patrabuje najaŭnaści dakumientaŭ i rehistracyjnych numaroŭ ad biełaruskaha aŭtamabila. U Jeŭropie działki znachodziać anałahičny aŭtamabil, viešajuć na jaho biełaruskija numary i pa biełaruskich dakumientach takaja mašyna ŭjazdžaje ŭ Biełaruś. Paźniej u takim aŭto pieravarvajuć abo pierabivajuć aryhinalny numar kuzava na toj, jaki znachodzicca ŭ techpašparcie.

Treci varyjant — mašynu zavoziać u krainu pa padroblenych dakumientach. Pryčym čaściej nie pa biełaruskich, a luboj inšaj krainy JEAES. 

Kamientary3

  • vojujem dalšie
    15.05.2024
    Inačie nikak, vied́ łukašienko i putin otriezali Biełaruś ot mirovoho, jevropiejskoho avtoproma.
    Vzamien priedłahajut łady na viosłach i kitajskoje humno po cienie luksovych briendov. Eto žie kasajetsia santiechniki, otdiełočnych matieriałov, strojmatieriałov, elektrotiechniki, elektroniki, odieždy.
  • Maksim Dizajnier
    18.05.2024
    Čiem mieńšie ušatannych amierikanskich i jevroblach - tiem łučšie. Dla vładielciev pascatikov zołotoje vriemia - tołkanuť svoi hniłyje viedra kołchoznym łocham, i kupiť daču v živopisnom miestie.
  • Voś
    18.05.2024
    Dyktatura i naša i jaje "dach" rasijski hchta nie pra narodnuju ŭładu i skončacca abodvie jak i savok, padtrymki narodnaj ŭ bandyckaj łukašysckaj bandy niama

Voś čamu ŭ Kitai mohuć prysłuchoŭvacca da Polščy16

Voś čamu ŭ Kitai mohuć prysłuchoŭvacca da Polščy

Usie naviny →
Usie naviny

Kamaroŭski rynak pieratvaryŭsia ŭ sapraŭdnaje mora VIDEA6

Siłaviki ŭ Breście zatrymali dyrektara kampanii za ŭdzieł u pratestach u žniŭni 2020 hoda

U Minsku z-za patopu zakryli stancyju mietro «Park Čaluskincaŭ» VIDEA

«U Biełarusi maju muzyku rekłamavała KDB, a ŭ Polščy — palicyja». Bancar prakamientavaŭ svajo zatrymańnie ŭ Varšavie9

Litva raźviarnuła na miažy bolš za 20 mašyn ź Biełarusi — u tym liku z hramadziankaj Litvy za rulom5

Minsk siońnia pajšoŭ pad vadu FOTY13

Amierykaniec u 14 hadoŭ staŭ samym maładym futbalistam u historyi Amierykanskaj futbolnaj lihi

«Rychtujucca da vajny, a hienieratary nie ŭ stanie kupić». Što raskazvajuć pra situacyju ŭ Mazyry miascovyja žychary3

Ziamla ŭvajšła ŭ mieteorny patok Piersieidaŭ. Dzie i kali pabačyć hetu nieziamnuju pryhažość?

bolš čytanych navin
bolš łajkanych navin

Voś čamu ŭ Kitai mohuć prysłuchoŭvacca da Polščy16

Voś čamu ŭ Kitai mohuć prysłuchoŭvacca da Polščy

Hałoŭnaje
Usie naviny →