«Davajcie jašče hulać u cełak». Bondarava nazvała Prydybajłu zadniepryvadnym łabistam pałavych devijacyj
U svaju čarhu, žurnalist Russia Today vystupiŭ u abaronu analnaha seksu: «Heta realnaść, i ničoha ź joj nie zrobiš»
Zaciažny kanflikt pamiž biełarusam Kanstancinam Prydybajłam, jaki pracuje na rasijskuju prapahandysckuju stancyju Russia Today, i danosčycaj Volhaj Bondaravaj atrymaŭ novaje raźvićcio.
U aŭtorak 16 krasavika ŭ svaim telehram-kanale Bondarava raźmiaściła post z kopijaj adkazu ź Ministerstva antymanapolnaha rehulavańnia i handlu na svoj zvarot, kab preziervatyvy i łubrykanty prybrali z prykasavych zon mahazinaŭ. Danosčyca ličyć hetyja tavary eratyčnaj pradukcyjaj, jakaja škodzić maralnaści:
«Nas prymušajuć vyvieści intymnuju blizkaść z sakralnaj śfiery. <…> Čamu libierały zabivajuć maralnaść? Tamu što jana pieraškadžaje realizacyi niealibieralnaj ideałohii, jakaja praz razbureńnie instytuta siamji imkniecca da mety skaračeńnia narodanasielnictva płaniety. Mianiajcie pałavych partnioraŭ tak časta, jak myjecie ruki — dzie šmat chodziać, tam trava nie raście».
Skryn z hetym vykazvańniem u toj ža dzień raźmiaściŭ u svaim kanale Prydybajła z kamientarom, u jakim vykazaŭ svoj pohlad na praktyki seksu siarod padletkaŭ:
«Nu, davajcie jašče ŭ 2024 hodzie hulać u cełak-nievidzimak. Dla aktyvistki moža stać šakujučym adkryćciom, što vializnaja kolkaść školnic prosta ciapier zarablajuć hrošy vebkamam. Heta realnaść, i ničoha ź joj nie zrobiš.
Taksama vialikaja kolkaść školnic stracili «analnuju cnatlivaść» u vielmi junym uzroście, — piša prapahandyst. — Heta, u pryncypie, cikavy fienomien, što dziaŭčynki i chłopčyki razumiejuć, što jany zamałyja dla hienieracyi dziaciej i, prabačcie, ja***ca ŭ dupy. I tady navat na miedahladzie razam z kłasam nichto nie budzie šušukacca, što Vola ci Mania nie niavińnicy».
Post Prydybajły vyklikaŭ aktyŭnaje abmierkavańnie. Na hety čas pad im bolš za 170 kamientaroŭ. Bondarava zrabiła skryny najbolš admietnych. U adnym z kamientaroŭ Prydybajła nazyvaje kandydatku ŭ deputaty ad Kampartyi Biełarusi «chvoraj», u inšym zaŭvažaje, što ciapier takija, jak Bondarava, «prosta škodniki». Bondarava raźmiaściła adkazy žurnalista RT u svaim kanale z kamientarom.
U im kamunistka nie vybirała słoŭ:
«Prydybajła i jo**a ŭ ž**u. Jak kažuć, u kaho što balić… Zadniepryvadny (homaseksualnaj aryjentacyi — NN) rasijski žurnalist, jaki ŭziaŭsia razdavać biełarusam parady adnosna ich intymnaha žyćcia, apraŭdvaje prastytucyju niepaŭnaletnich i pałavyja vyčvarenstvy. <…>
Ničoha nie zrobiš — składzicie ručki i zdajciesia na miłaść łabistaŭ pałavych devijacyj — taki pasył libierała biełaruskamu hramadstvu».
Bondarava nahadvaje, što ŭ «nas jość Kancepcyja nacyjanalnaj biaśpieki, kanstytucyja i inšyja zakony, jakija zamacoŭvajuć siamiejnyja kaštoŭnaści». Tamu «nijakija zamiežniki, jak by jany ni zachodzilisia ŭ vizhacie ŭ sprobach ich admianić, nie zmohuć źniščyć instytut siamji ŭ Biełarusi».
Nahadajem, što Prydybajła ŭ kancy minułaha hoda raskrytykavaŭ Bondaravu za baraćbu «ź biskvitnymi pienisami i viasiołkaj na dziciačych tortach» i zaŭvažyŭ, što «časam idyjotaŭ treba izalavać ad hramadstva, navat kali jany abmazanyja z noh da hałavy «patryjatyzmam».
U adkaz u telehram-kanale «Śleduj za krolikom» — jaho viadzie chtości z prychilnikaŭ Bondaravaj — byli raźmieščanyja «dokazy» taho, Prydybajła hiej.
«Naša Niva» budzie dalej sačyć za raźvićciom hetaha kanfliktu.
«Naša Niva» — bastyjon biełaruščyny
PADTRYMAĆKubrakoŭ davodziŭ, što milicyjant Zhirski nie datyčny da bandy nalotčykaŭ. Ciapier taho sudziać — pahražaje da 20 hadoŭ3
Kamientary