U Minsku paviesiać bolš za 10 tysiač novych adrasnych tabličak na biełaruskaj movie. Ale heta nie adzinaja fiška
Krytyki raznosiać dyzajn u puch i prach, ale zamiena anšłahaŭ užo pačałasia
U Minsku prystupili da zamieny adrasnych tabličak na budynkach. U bližejšyja try hady płanujecca zamianić bolš za 10 tysiač takich anšłahaŭ.
Nadpisy na pakazalnikach vykanany na biełaruskaj movie. Taksama na šyldy dadaduć hierb rajona Minska, u jakim znachodzicca kankretny dom, paviedamlaje vydańnie «Minsk-Naviny».
Akramia taho, anšłahi buduć adroźnivacca pa kolery ŭ zaležnaści ad vulicy. U kožnym rajonie zaćvierdžana koleravaja schiema, vulicy raźbityja na niekalki hrup pa kolerach. Naprykład, u Maskoŭskim rajonie 117 vulic raźbityja na šeść koleraŭ. Vulicy Jasienina i Lubimava atrymajuć sini koler, Bialeckaha i Hołubieva — zialony, praśpiekt Žukava — aranžavy.
Kožny koler pranumaravany pa ŭniviersalnaj tablicy koleraŭ RAL. Vytvorcy tabličak uličvajuć hetuju kłasifikacyju dla taho, kab adcieńni koleraŭ nie adroźnivalisia ŭ roznych rajonach.
Raniej telehram-kanał «Spadčyna», jaki śpiecyjalizujecca na architektury i dyzajnie, vykazaŭ šerah krytyčnych zaŭvah datyčna litaralna kožnaha elemientu dyzajnu anšłahaŭ. Aktyvistam nie spadabałasia niepatrebnaje padkreślivańnie nazvy, niepradumanaje vyraŭnoŭvańnie tekstu, adroznyja intervały pamiž litarami, a taksama absalutna niečytelnyja ŭ takim maštabie łahatypy rajonaŭ.
«Niaŭžo składana było zapłacić sapraŭdnamu dyzajnieru, kab stvaryć 10 tysiač abjektaŭ, za jakija nie było b soramna?» — zadavalisia pytańniem aktyvisty.
Kamunalniki ŭžo prystupili da zamieny tabličak u centry horada.
Tracina pamiłavanych palitviaźniaŭ i tak pavinny byli vyjści na svabodu ciaham miesiaca5
Tracina pamiłavanych palitviaźniaŭ i tak pavinny byli vyjści na svabodu ciaham miesiaca
Biełaruskaja aktrysa, jakaja syhrała palitźniavolenuju Kaciarynu Andrejevu, adčyniła kniharniu va Urocłavie3
Kamientary